Люлеа

Люлеа
Выгляд з ратушы на цэнтар Люлеа. Зьлева — Катэдральны сабор
Плошча:	29,09 км²
Насельніцтва (2010) • колькасьць: • шчыльнасьць:	46 607 1602 ас/км²
Часавы пас: • летні час:	UTC+1 UTC+2
Геаграфічныя каардынаты:	65°35′4″ пн. ш. 22°9′14″ у. д.
Люлеа на мапе Швэцыі Люлеа
Галерэя здымкаў у Wikimedia Commons
www.lulea.se

Люлеа (па-швэдзку: Luleå, па-паўночнасаамску Luleju, па-люле-саамску Julev, па-фінску: Luulaja) — горад на поўначы Швэцыі, цэнтар аднайменнай камуны і найпаўночнага лэну краіны — Нарботэну. Насельніцтва — 46 607 чалавек (2010, найбуйнейшы ў Нарботэне). Буйны цэнтар мэталюргіі. Месцазнаходжаньне найпаўночнага ў Швэцыі тэхнічнага ўнівэрсытэту.

Гісторыя

Стургатан — галоўная вуліца гораду

Люлеа быў заснаваны ў XIV стагодзьдзі на месцы сучаснага Гамэльстаду (даслоўна «Старога гораду»), як важнае гандлёвае мястэчка. У 1621 годзе Люлеа атрымаў гарадзкія прывілеі, аднак праз узьняцьце глебы яго порт ужо не адпавядаў на гэты час свайму назначэньню, і ў 1649 годзе было вырашана пабудаваць Новы Люлеа, у некалькіх кілямэтрах на ўсход ад Старога. Новы Люлеа меў квадратную пляніроўку, якая, па большай частцы, захавалася й сёньня. У 1888 годзе да Люлеа была пракладзена чыгунка, якая злучыла яго з мястэчкам Мальмбэргет — важным цэнтрам здабычы жалезнай руды. У XX стагодзьдзі горад расьце і становіцца важным прамысловым і партовым горадам на поўначы Швэцыі. У 1971 годзе ў горадзе была заснаваная Вышэйшая тэхнічная школа, якая ў 1997 атрымала статус унівэрсытэту.

Спорт

Люлеа вядомы сваімі хакейнай (Luleå Hockey) ды баскетбольнымі камандамі (LF Basket Norrbotten і Northland Basket)

Выдатныя мясьціны

Катэдральны сабор Люлеа

• Нэагатычны Катэдральны сабор (канец XIX стагодзьдзя)
• Нарботэнскі тэатар
• Музэй Нарботэну
• Гамэльстад — старажытнае царкоўнае мястэчка, першапачатковае месца заснаваньня Люлеа, якое ўключана ў Сьпіс Сусьветнай спадчыны ЮНЭСКО

Вядомыя асобы

• Мод Адамс — швэдзкая акторка
• Крыстафэр Острэм — швэдзкі сьпявак
• Пэр Ледын — швэдкі хакеіст

Гарады-сябры

• Трумсё, Нарвэгія
• Кемі, Фінляндыя
• Мурманск, Расея
• Зеніца, Босьнія і Герцагавіна
• Пуэрта Кабэсас, Нікарагуа

Вонкавыя спасылкі

 Люлеа — сховішча мультымэдыйных матэрыялаў

• lulea.se – Афіцыйны сайт