Ромб

Ромб

Ромб (па-грэцку: ρομβος) — чатырохкутнік з роўнымі бакамі.

Ромб, бакі якога ўтвараюць просты кут завецца квадратам.

Уласьцівасьці

1. Ромб зьяўляецца паралелаграмам.
2. Дыяганалі ромба пэрпэндыкулярныя адна адной.
3. Дыяганалі ромба зьяўляюцца раўнасечнымі яго нутраных кутоў.
4. Дыяганалі ромба зьяўляюцца яго асямі сымэтрыі.
5. У ромб можна ўмежыць акружыну.

Прыкметы

Паралелаграм $ABCD$ зьяўляецца ромбам, калі выконваецца хаця б адна з наступных умоваў:

1. Два яго сумежныя бакі роўныя ($AB=BC$).
2. Яго дыяганалі перасякаюцца пад простым кутом (AC⊥BD).
3. Адна зь яго дыяганаляў зьяўляецца раўнасечнай яго кута (∠DCA = ∠BCA).

Плошча

Формулы плошчы ромба:

$S = a^2 \cdot sin \alpha$

$S =\frac 1 2 d_1 \cdot d_2$

$S =a \cdot h$

Дзе:

• $a$ — бок ромба
• $\alpha$ — нутраны кут ромба
• $d_1, d_2$ — дыяганалі ромба
• $h$ — вышыня ромба

Этымалёгія

Паняцьце ромб утварылася ад па-грэцку: ρομβος — «бубен». І калі цяпер бубны ў асноўным робяць круглай формы, то раней іх рабілі якраз у форме квадрата або ромба. Дарэчы, назоў карткавай масьці бубны, знакі якой маюць рамбападобную форму, паходзіць яшчэ з тых часоў калі бубны не былі круглымі.

Слова «ромб» упершыню ўжываецца ў Герона і Паппа Александрыйскага.

Вонкавыя спасылкі

 Ромб — сховішча мультымэдыйных матэрыялаў