Уладзімер Мулявін
| Уладзімер Мулявін | |
| Уладзімер Георгіевіч Мулявін | |
| Дата нараджэньня | 12 студзеня 1941 |
|---|---|
| Месца нараджэньня | Сьвярдлоўск |
| Дата сьмерці | 26 студзеня 2003 (62 гады) |
| Месца сьмерці | Масква |
| Краіна | Беларусь |
| Гурты | Песьняры |
Уладзі́мер Гео́ргіевіч Муля́він (12 студзеня 1941, Сьвярдлоўск — 26 студзеня 2003, Масква) — народны артыст СССР і Беларусі, музыка, заснавальнік і мастацкі кіраўнік беларускага вакальна-інструмэнтальнага ансамбля «Песьняры».
Зьмест |
Біяграфія [рэдагаваць]
Нарадзіўся 12 студзеня 1941 году ў Сьвярдлоўску. Бацька — працоўны завода «Уралмаш». У дзіцячым узросьце пачаў захапляцца музыкай і ў 12-гадовым веку пачаў граць на гітары.
У 1956 годзе — пасьля школы паступіў у Сьвярдлоўскую музычную вучэльню, на аддзяленьне струнных інструмэнтаў. Быў выключаны з вучэльні за захапленьне джазам, хутка быў прыняты назад, але кінуў вучэльню на ўласнае жаданьне. У 1959 годзе ажаніўся з Л. Крамальскай. У 1958—1963 гадах працаваў музыкам у розных абласных філярмоніях. У 1963 годзе быў запрошаны на працу ў Беларускую дзяржаўную філярмонію. У 1965—1967 гадах служыў у Савецкім войску ў навакольлі Менску. Стварыў у вайсковай частцы вакальны квартэт, прыймаў удзел у арганізацыі ансамбля Беларускай вайсковай акругі.
Пасьля сканчэньня службы ў войску вярнуўся ў Беларускую дзяржаўную філярмонію, пры якой у 1968 годзе быў створаны вакальна-інструмэнтальны ансамбль «Лявоны». У 1970 годзе ансамбль, мастацкім кіраўніком якога быў Уладзімер Мулявін, зьмяніў назву на «Песьняры».
За значны ўнёсак у разьвіцьцё беларускага эстраднага мастацтва у 2001 годзе быў узнагароджаны ордэнам Францішка Скарыны.
14 траўня 2002 году Ўладзімер Мулявін патрапіў у аўтакатастрофу. Праз 8 месяцаў памёр у Маскве ў шпіталі імя Бурдэнкі. Пахаваны на Ўсходніх могілках у Менску. У гонар Уладзімера Мулявіна ў Менску названы бульвар.
Узнагароды [рэдагаваць]
- 1994 — мэдаль Францішка Скарыны
- 2001 — ордэн Францішка Скарыны
- 21 студзеня 2001 — зорка ў гонар Уладзімера Мулявіна і ансамбля «Песьняры» на Алеі зорак у Маскве
Званьні [рэдагаваць]
- 1973 — ганаровае званьне «Заслужаны артыст БССР»
- 1979 — ганаровае званьне «Народны артыст БССР»
- 1991 — ганаровае званьне «Народны артыст СССР»
