Fantasy World Dizzy

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Fantasy World Dizzy
Экранная застаўка гульні
Распрацоўнік Блізьняты Олівэр
Выдавец Codemasters
Дызайнэр Ніл Адамсан
Кампазытар Дэвід Ўіттэйкер
Плятформы Amstrad CPC, ZX Spectrum, Commodore 64, Enterprise 64/128, Amiga, Atari ST, DOS
Дата выпуску кастрычнік 1989
Жанр Прыгодніцкая аркада
Рэжым Адзінаасобная гульня

«Fantasy World Dizzy» (па-беларуску: «Фантастычны сьвет Дызі») — аркадная прыгодніцкая кампутарная гульня, распрацаваная блізьнятамі Олівэр і выпушчаная ў 1989 року Code Masters.

Гульня распрацоўвалася пад кодавай назвай «Dizzy III» і лічыцца трэцяй у сэрыі. Хоць насамрэч трэцяй па парадку ў 1987 року была выпушчаная гульня Fast Food, яна зьяўляецца адыходам ад стандартнага фармату гульняў «Dizzy».

Гульнявы працэс[рэдагаваць | рэдагаваць крыніцу]

«Fantasy World Dizzy» стала першай гульнёй у сэрыі, дзе зьявіліся адметныя элемэнты, што вызначылі выгляд і гульнявы працэс усіх наступных гульняў: наяўнасьць трох жыцьцяў; сыстэма інвэнтару з трох прадметаў і магчымасьць абраць патрэбны; значна спрошчаная аркадная частка на карысьць разьвязаньня ламанінаў. Уведзеная падтрымка Sinclair-джойстыка.

Упершыню была прадстаўленая сям’я Yolkfolk: Daisy, Denzil, Dozy, Dylan і Grand-Dizzy. Вядомае прынамсі адно «пасхальнае яйка»[1].

У вэрсіі для 128-мікілябайтнага кампутара прысутнічаюць музыка, гукавыя эфэкты і галасавая ўстаўка для AY-3-8910. Іншыя гульні асноўнай сэрыі ня мецьмуць галасавых уставак.

Сюжэт[рэдагаваць | рэдагаваць крыніцу]

Сюжэт гульні разгортваецца вакол Дызі (анг. Dizzy) і ягонай сяброўкі Дэйзі (анг. Daisy). Калі Дызі і Дэйзі разам шпацыравалі па лесе, Кароль Троль выкраў Дэйзі, і Дызі ідзе яе ратаваць. Па дарозе ён таксама мусіць сабраць 30 манэтаў. Некаторыя зь іх даволі добра схаваныя за прадметамі інтэр’еру.

Успрыняцьце[рэдагаваць | рэдагаваць крыніцу]

Гульня атрымала адзнаку 9 з 10 магчымых ад Пітэра Парыша з Eurogamer[2].

У 1993 року вэрсія для ZX Spectrum заняла 37-е месца ў сьпісе 100 найлепшых гульняў усіх часоў па выніках апытаньня чытачоў і 41-е — па выніках галасаваньня часопісу «Your Sinclair»[3].

У 2004 року вэрсія для ZX Spectrum заняла 25-е месца ў сьпісе найлепшых гульняў усіх часоў па выніках галасаваньня часопісу «Your Sinclair»[4].

Крыніцы і заўвагі[рэдагаваць | рэдагаваць крыніцу]

  1. ^ Dizzy III - Fantasy World Dizzy. Игровой процесс(рас.) SpeccyWiki Праверана 8 сьнежня 2012 г.
  2. ^ Peter Parrish. (11 October 2007) Fantasy World Dizzy Review(анг.). EurogamerПраверана 22 лістапада 2012 г.
  3. ^ Readers' Top 100 Games of All Time // Your Sinclair. — Imagine Publishing, September 1993.
  4. ^ Top 50 Games of All Time // Your Sinclair. — Imagine Publishing, November 2004.

Вонкавыя спасылкі[рэдагаваць | рэдагаваць крыніцу]