Аляксандар Дубко

Аляксандар Іосіфавіч Дубко
Старшыня Гарадзенскага абласнога выканаўчага камітэту
1994 — 2001
Папярэднік:	Сямён Домаш
Наступнік:	Уладзімер Саўчанка
Асабістыя зьвесткі:
Нарадзіўся:	14 студзеня 1938 (74 гады) Ілава, Шумілінскі раён
Памёр:	4 лютага 2001 Горадня
Нацыянальнасьць:	беларус
Партыя:	КПСС, Аграрная партыя Беларусі
Узнагароды:

Падтрымка Аляксандра Дубко на прэзыдэнцкіх выбарах ў Беларусі 1994 году

Алякса́ндар Іо́сіфавіч Дубко́ (14 студзеня 1938, в. Ілава, Шумілінскі раён — 4 лютага 2001, Горадня) — старшыня Гарадзенскага аблвыканкаму, Герой Беларусі (пасьмяротна).

Навучаўся на агранома ў Гарадзенскім сельскагарспадарчым інстытуце. З 1960 — аграном-сямёнавод, дырэктар навучальнай гаспадаркі «Станіславова» Гарадзенскага селькагаспадарчага інстытуту.

Начальнік упраўленьня сельскай гаспадаркі Бераставіцкага райвыканкаму (1966-1970), дырэктар трэсту малочна-гародненых саўгасаў Гарадзенскай вобласьці (1970-1972), старшыня калгасу, старшыня рады сельскагаспадарчага прадпрыемства «Прагрэс» Гарадзенскага раёну (1972—1994).

У 1982 атрымаў званьне Героя Сацыялістычнай працы.

Дэлегат шматлікіх зьездаў КПБ і КПСС. На XXVIII зьезьдзе КПСС вылучаў Лігачова кандыдатам на пост намесьніка генэральнага сакратара ЦК КПСС.

Старшыня Гарадзенскага абласнога савету дэпутатаў (1991—1993). Са сьнежня 1994 старшыня гарадзенскага аблвыканкаму.

Вылучаўся кандыдатам у прэзыдэнты Рэспублікі Беларусь на выбарах у 1994.

Сябар Аграрнай партыі Беларусі з 1995 году, уваходзіў у цэнтральную раду. Старшыня Беларускай Рады калгасаў і Саюзу аграрнікаў Рэспублікі Беларусь.

Сябар Савету Рэспублікі Нацыянальнага Сходу Рэспублікі Беларусь, сябар Камісіі па міжнародных справах і нацыянальнай бясьпекі.

Пасьмяротна ўзнагароджаны званьнем Героя Беларусі, указ № 361 ад 30 чэрвеня 2001.

Меў сына Аляксандра Дубко (малодшага) — дырэктара гарадзенскага гарэлачнага заводу, першы віцэ-губэрнатар Магілёўскай вобласьці.

Вонкавыя спасылкі

• Слоўнік.орг
• Біяграфія Дубко
• Праграма кандытада ўпрэзыдэнты А.Дубко