Джэксан Полак

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Джэксан Полак
Імя пры нараджэньні: Jackson Pollock
Нарадзіўся: 28 студзеня 1912
Кодзі, ЗША
Памёр: 11 жніўня 1956
Нью Ёрк, ЗША
Нацыянальнасьць: амэрыканец
Грамадзянства: Злучаныя Штаты Амэрыкі
Заняткі: мастацтва
Плынь: абстракцыйны экспрэсіянізм
Працы: «The She-Wolf» (1943), «Easter and the Totem» (1953)

Джэ́ксан По́лак (па-ангельску: Jackson Pollock; 28 студзеня 191211 жніўня 1956) — амэрыканскі мастак, прадстаўнік абстракцыйнага экспрэсіянізму, які аказаў значны ўплыў на разьвіцьцё мастацтва ў другой палове ХХ стагодзьдзя.

Полак нарадзіўся ў горадзе Кодзі, штат Ваёмінг, і быў малодшым зь пяці сыноў у сям’і. Першыя пятнаццаць гадоў яго жыцьця, сям’я пераязджала зь месца на месца. Калі Полу было адзінаццаць гадоў, бацькі спыніліся ў Арызоне, дзе зь ім адбыўся няшчасны выпадак: сябар адсек яму фалангу пальца. Полак вучыўся ў Вышэйшай школе прыкладных мастацтваў, дзе пасябраваў са сваім настаўнікам Джонам Швамкоўскім, які пазнаёміў яго з асновамі тэасофіі. У 1930 годзе пераехаў у Нью-Ёрк. У Нью-Ёрку, ён вучыўся ў Томаса Харта Бэнтана. Бэнтан паўплываў на мастацтва Полака, і гэты ўплыў выразіўся ў крывых хвалістых рытмах яго карцінаў, а таксама ў выкарыстаньні вясковых сюжэтаў. У 19381942 гадах Полак працаваў для «Federal Art Project», а ў 1950-х гадах ён супрацоўнічаў з Цэнтральным выведчым упраўленьнем у рамках Кангрэсу Культурнай Свабоды. У 1944 годзе Полак ажаніўся на мастачцы Лі Краснэр, якая малявала ў стылі абстракцыйнага экспрэсіянізму.

У 1956 годзе Джэксан Полак загінуў у выніку аўтамабільнай катастрофы, знаходзячыся ў стане алькагольнага атручэньня.

Спадчына[рэдагаваць | рэдагаваць крыніцу]

Джэксан Полак змог адысьці ад фігуральнага мастацтва і стварыць уласны стыль маляваньня з характэрным капаньнем фарбы на палатно і яе распырскваньнем (так званы «action painting»). Дзякуючы ёй ён атрымаў мянушку Джэк Распырсківацель (Jack the Dripper). У той час гэта была самая радыкальная мастацкая мэтодыка. Яна зьявілася вынікам эвалюцыі экспрэсіянізму, пачынаючы ад Эль Грэка і Франца Халса, і канчаючы дасягненьнямі сучасных экспрэсіяністаў і абстракцыяністаў.

У раньніх працах Полака, адчуваецца ўплыў мэксыканскіх мастакоў Дыега Рыверы і Хасэ Клемэнтэ Ароска, якімі ён захапляўся ў той час. Пасьля знаёмства з працамі Паблё Пікаса і сюрэалістаў, яго творчасьць становіцца болей сымбалічнай. У 1943 годзе яго працу «Ваўчыца» набывае Музэй Сучаснага Мастацтва, а таксама ў гэты час зьяўляюцца першыя публікацыя якія прысьвечаны яго мастацтву.

Знаёмства Полака з тэорыяй Карла Юнга пра архітыпы, выклікала ў яго дэпрэсію і значна паўплывала на творчасьць у 19381944 гадах.

Творчасьць Джэксана Полака аказала значны ўплыў на разьвіцьцё ўсяго мастацтва ня толькі ў ЗША, але ў ва ўсім сьвеце.

Вонкавыя спасылкі[рэдагаваць | рэдагаваць крыніцу]

Commons-logo.svg  Джэксан Полаксховішча мультымэдыйных матэрыялаў