Канстантын Альшанскі (дэсантны карабель)
| U-402 «Канстантын Альшанскі» | |
|---|---|
 | |
| Краіна: |  Украіна
|
| Кляса: | Вялікі дэсантны карабель |
| Гісторыя: | |
| Вытворца: | Stocznia Polnocna, Гданьск |
| Спуск на ваду: | 1985 год |
| Пачатак эксплюатацыі: | 1985 год |
| Статус: | невядомы пасьля 25 сакавіка 2014 г. |
| Войны і канфлікты: | Расейская інтэрвэнцыя ва Ўкраіну |
| Характарыстыкі: | |
| Даўжыня: | 112,59 м |
| Шырыня: | 15 м |
| Вышыня: | 12 м |
| Уляганьне: | 3,7 м |
| Павозка: | 97 чал. |
| Узбраеньне: | |
| Радыёлякацыйнае ўзбраеньне: | РЛС паветраных цэляў МР-302, АРЛС МР-103 |
«Канстанты́н Альша́нскі» (па-ўкраінску: Костянтин Ольшанський) — вялікі дэсантны карабель праекту 775. Зьяўляецца шматпалубным, пласкадонным дэсантным караблём унутранай марской зоны з паўбакам і пашыранай кармавой надбудовай.
Названы ў гонар Героя Савецкага Саюзу Канстантына Альшанскага, камандзіра атраду з 68 дэсантнікаў, якія вызвалялі горад Мікалаеў ад захопнікаў Нацысцкае Нямеччыны.
Гісторыя праекту[рэдагаваць | рэдагаваць крыніцу]
Карабель быў пабудаваны на вэрфі «Stocznia Polnocna» («Паўночная верф») у Польшчы ў 1974 годзе.
Першая сэрыя караблёў, якая складалася з 12 СДК, была скончаная ў 1978 годзе. На захадзе гэтыя караблі ахрысьцілі як «Ropucha I» — так у ангельскай транскрыпцыі вымаўляецца слова жаба. Другая сэрыя з 16 СДК (пр. 775. II або «Ropucha II») была скончаная ў 1992 годзе. Караблі другой сэрыі адрозьніваліся іншымі РЛС агульнага выяўленьня, а з трэцяй сэрыі і іншымі артусталёўкамі (адной 76-мм АК-176 і дзьвума 30 — мм АК-630 замест дзьвух 57-мм АК-572).
Будаўніцтва праекту 775 вялося па замове СССР выключна для яго флёту. Ні адзін карабель пр. 775 не ўвайшоў у склад ВМФ дзяржаваў-саюзьнікаў па Варшаўскай дамове. Выключэньнем можна лічыць толькі адзін ВДК, перададзены Емэну ў 1979 годзе са складу савецкіх сілаў, якія грунтаваліся ў Індыйскім акіяне.
Гісторыя эксплюатацыі[рэдагаваць | рэдагаваць крыніцу]
_%D0%9A._%D0%9E%D0%BB%D1%8C%D1%88%D0%B0%D0%BD%D1%81%D1%8C%D0%BA%D0%B8%D0%B9.png)
Расейская інтэрвэнцыя ва Ўкраіне (2014)[рэдагаваць | рэдагаваць крыніцу]
- Асноўны артыкул: Блякада ўкраінскага флёту на возеры Данузлаў
24 сакавіка 2014 г. дэсант расейскіх войскаў высадзіўся з падплыўшага баркасу (з бартавым нумарам U8301[1]) на борт і з боем захапіў карабель «Канстантын Альшанскі». Незадоўга да гэтага частка экіпажу пакінула карабель, на момант штурму на караблі знаходзіўся 21 чалавек. Рэшткі каманды забарыкадаваліся ў кают-кампаніі.
Аднак прадчуваючы хуткі штурм караблю, і каб пазбавіць ворага магчымасьці выкарыстоўваць карабель у найбліжэйшай будучыні, каманда «Канстантына Альшанскага» пасьпела сапсаваць карабельную электроніку, рухавікі (залілі цэмэнтавым растворам ці паводле іншай вэрсіі — засыпалі пяском), навігацыйнае абсталяваньне, прыборы кіраваньня агнём разьбілі. У выніку расейцам давялося цягнуць захопленае судна да базы на буксіры[2].
Крыніцы[рэдагаваць | рэдагаваць крыніцу]
- ^ Часопіс «Карэспандэнт». Узброеныя баевікі ўзялі штурмам карабель «Канстанцін Альшанскі» // Хартыя’97, 24 сакавіка 2014 г. Праверана 12 красавіка 2014 г.
- ^ Відэа штурму «Канстанціна Альшанскага» (рас.) // Хартыя’97, 25 сакавіка 2014 г. Праверана 12 красавіка 2014 г.
 |
Гэта — накід артыкула пра Ўкраіну. Вы можаце дапамагчы Вікіпэдыі, пашырыўшы яго. |