Люрд

	Люрд
	Lourdes
Герб Люрду
Рэгіён:	Поўдзень-Пірэнэі
Дэпартамэнт:	Верхнія Пірэнэі
Плошча:	36,94 км²
Насельніцтва:	15 254 (2007)
Часавы пас:; • летні час:	UTC+1; UTC+2
Паштовы індэкс:	65100
Геаграфічныя каардынаты:	43°06′00″ пн. ш. 0°03′00″ з. д. / 43.1° пн. ш. 0.05° з. д.Каардынаты: 43°06′00″ пн. ш. 0°03′00″ з. д. / 43.1° пн. ш. 0.05° з. д.
	Люрд на мапе Францыі Люрд
	Галерэя здымкаў у Wikimedia Commons
	http://www.lourdes-france.com/

Люрд (па-француску: Lourdes, па-аксытанску: Lorda) — старажытны горад і камуна на поўдні Францыі, месьціцца ў дэпартамэнце Верхнія Пірэнэі рэгіёна Поўдзень-Пірэнэі. Паводле стану на 2007 году насельніцтва горада складала 15 254 чалавекі. Адно з самых папулярных месцаў пілігрымства ў Эўропе.

Гісторыя [рэдагаваць]

У VIII стагодзьдзі, Люрд і ягоная крэпасьць апынулася ў цэнтры бітвы паміж Міратам, мясцовым лідэрам, і Карлам Вялікім, каролём франкаў. Карл Вялікі аблажыў Мірата ў крэпасьці на працягу некаторага часу, але Мурат адмаўляўся здацца. Паводле легенды, арол нечакана зьявіўся і ўпаў у ногі да Мірата, што зьявілася знакам да здачы, на якую ў выніку Мірат і пайшоў.

Дзева Марыя [рэдагаваць]

На думку Каталіцкай царквы ў 11 лютага 1858 году, у чацьвер, чатырнаццацігадовай мясцовай жыхарцы Бэрнадэт Субіру зьявілася Дзева Марыя^[1]. Адбылося гэта ў адной зь пячораў, Масаб'ель, якіх мноства ў горных адгор’ях, якія атачаюць места.

Бэрнадэт сьведчыла аб 18 «зьявах». Апошняе — 16 чэрвеня таго ж году. Каталіцкая царква спачатку з крайняй асьцярогай паставілася да заяваў дзяўчыны, якая была падвергнутая шматлікім допытам, з боку адміністрацыйных і царкоўных уладаў, і роўна шматлікім мэдычным аглядам, абсалютна ўсе зь якіх прызналі ейны стан як сьвядомы й станоўча ўраўнаважаны характар ейнай асобы. Пазьней Бэрнадэт стала манашкай.

Царква ж правяла дбайную праверку ўсіх выкладзеных дзяўчынай фактаў. У выніку ў 1933 годзе яе кананізавалі пад імем сьвятой Бэрнадэт, а Люрд ператварыўся ў адзін з найбольш прываблівых месцаў для пілігрымаў ня толькі Францыі, але і ўсёй Эўропы. Штогод у Люрд прыязджае да пяці мільёнаў чалавек. Толькі тых, хто спадзяецца знайсьці тут лячэньне ад сваіх хваробаў, у год прыязджае больш за 70 тысяч. Крыніцы каталіцкай царквы сьцьвярджаюць, што толькі за першыя 50 гадоў паломніцтва атрымалі поўнае лячэньне ад самых розных хваробаў мінімум 4 тысячы чалавек.

На месцы, дзе Дзева Марыя першы раз зьявілася Бэрнадэт, мэтадам народнай будоўлі ўзьведзены санктуарый, храм Нотр-Дам дэ Люрд. Да яго вядзе мост Сэн-Мішэль, які зьяўляецца як бы ўваходам, парталам у царкву пад адкрытым небам. Роля нэфа выконвае Эсплянада Працэсьён. Далей падземная базыліка Сутэр Сэн-Пі X, у якой адначасова можа разьмясьціцца да 20 тысяч чалавек. Далей разьмешчана статуя Панны Марыі — яна як бы ўстаноўлена ў нішы алтара.