Рэн (горад)

Зьвесткі зь Вікіпэдыі — вольнай энцыкляпэдыі
Рэн
франц. Rennes
Герб Рэну


Краіна: Францыя
Рэгіён: Брэтань
Дэпартамэнт: Іль і Вілен
Кіраўнік: Наталі Аперэ[d]
Плошча:
  • 50,39 км²[1]
Насельніцтва:
Паштовы індэкс: 35000, 35200, 35700
Геаграфічныя каардынаты: 48°6′51″ пн. ш. 1°40′51″ з. д. / 48.11417° пн. ш. 1.68083° з. д. / 48.11417; -1.68083Каардынаты: 48°6′51″ пн. ш. 1°40′51″ з. д. / 48.11417° пн. ш. 1.68083° з. д. / 48.11417; -1.68083
Рэн на мапе Францыі
Рэн
Рэн
Рэн
Галерэя здымкаў у Вікісховішчы
http://metropole.rennes.fr/

Рэн (па-француску: Rennes, па-брэтонску: Roazhon) — горад на паўночным захадзе Францыі, адміністрацыйны цэнтар дэпартамэнту Іль і Вілен і рэгіёну Брэтань. Насельніцтва складае 225 081 чалавек (на 2021 год).

Гісторыя[рэдагаваць | рэдагаваць крыніцу]

Назва гораду дало кельцкае племя рэдонаў, якое жыло тут у старажытнасьці. Сталіца рэдонаў, якая дала пачатак Рэну, стаяла на скрыжаваньні асноўных шляхоў вобласьці Арморыка. Рэнская эпархія вядзе адлік сваёй гісторыі з IV стагодзьдзя. У Сярэднявеччы графы Рэна аспрэчвалі ў графаў Нанту вяршэнства ў Брэтані. Суперніцтва паміж Нантам і Рэнам працягвалася й пасьля далучэння Брэтані да Францыі ў пачатку XVI стагодзьдзя.

Сярэднявечны Рэн быў зьнішчаны вялікім пажарам 1720 году, аднак ацалеў Палац парлямэнту Брэтані з пышна дэкараванай галоўнай заляй. Цэнтар гораду, зноўку быў выбудаваны ў XVIII стагодзьдзі, можа служыць прыкладам горадабудаўнічай палітыкі клясыцызму з шырокімі вуліцамі, разьмешчанымі пэрпэндыкулярна адзін да аднаго. Парадную забудову часоў Людовіка XV ўяўляе гарадзкая ратуша. Тады ж была каналізавана рака Вілен.

Падчас Францускай рэвалюцыі горад служыў пляцдармам для падаўленьня вандэйскіх паўстанцаў. У гады Другой сусьветнай вайны Рэн моцна пацярпеў ад бамбаваньняў як немцаў, гэтак і хаўрусьніцкіх войскаў: загінулі тысячы мяшчанаў, былі разбураны многія старадаўнія будынкі, у тым ліку гарадзкі музэй.

Эканоміка[рэдагаваць | рэдагаваць крыніцу]

Традыцыйна ў Рэне былі прадпрыемствы машынабудаваньня, разьвіты ганчарная, мэблевая й гарбарная вытворчасьці, быў разьвіты гандаль жывёлай, птушкай, хлебам, мёдам, воскам і лесам. Зараз у Рэне маюцца прадпрыемствы такіх кампаніяў, як то Citroën і France Telecom.

Спорт[рэдагаваць | рэдагаваць крыніцу]

У горадзе базуецца футбольны клюб «Рэн».

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]