Брандэнбург

Адміністрацыйна-тэрытарыяльная адзінка
Брандэнбург па-нямецку: Brandenburg'

Герб	Сьцяг
Агульныя зьвесткі
Краіна	Нямеччына
Статус	Фэдэральная зямля
Адміністрацыйны цэнтар	Патсдам
Прэм’ер-міністар	Матыяс Пляцэк
Кіруючыя партыі	СДПН, Левыя
Насельніцтва	2 541 950
Шчыльнасьць	86 чал./км²
Плошча	29 476 км²
Галасоў у Бундэсраце	4 (з 69)
Месцазнаходжаньне Брандэнбургу

Мэдыя-зьвесткі
Код ISO 3166-2	DE-BR
www.brandenburg.de Афіцыйны сайт
Дадатковыя мультымэдыйныя матэрыялы

Брандэнбург (па-нямецку: Brandenburg) — адна з земляў у складзе Фэдэратыўнай Рэспублікі Германіі. Сталіца — Патсдам.

Гісторыя [рэдагаваць]

Германскія плямёны, якія жылі на тэрыторыі сучаснага Брандэнбургу, на працягу Вялікага перасяленьня народаў былі выцесьненыя палабамі. Падчас усходняй экспансіі Нямецкай імпэрыі гэтыя землі былі зноўку заселеныя немцамі. У 948 годзе Атон I заснаваў тут Брандэнбурскае біскупства. Далей на працягу ўсяго Сярэднявечча тэрыторыя Брандэнбургу часткова і цалкам уваходзіла ў склад розных нямецкіх дзяржаўных утварэньняў, стрыжнем якіх зьяўлялася Сьвяшчэнная Рымская імпэрыя нямецкай нацыі, заснаваная Атонам I і канчаткова скасаваная Напалеонам Банапартам. Перад Другім Райхам Брандэнбург уваходзіў у склад Прусіі, затым зьяўляўся складовай часткай Паўночнага Нямецкага Зьвязу, пасьля гэтага быў часткай нямецкай дзяржавы — Другога Райху. У 1949—1990 гадох уваходзіў у склад НДР.

Паходжаньне назвы [рэдагаваць]

Аб паходжаньні слова ёсьць розныя тэорыі. Славянская тэорыя абвяшчае, што назва горада Брандэнбург, у гонар якога названая гэтая зямля — Бранібор. Слова ўтрымоўвае ў сабе корань «бор» (хваёвы лес) і «брані» (хутчэй за ўсё азначае багністы, але магчыма і бітва). Такім чынам, яно азначае або «багністы хваёвы лес» або «хваёвы лес, у якім была бітва».

Магчыма, назва адбываецца й ад германскага слова brenan (па-нямецку: brennen спаліць, гарэць), таму што выкорчваньне ў той час выраблялі агнём.

Гарады [рэдагаваць]

Гарады з колькасьцю месьцічаў звыш 20 тысячаў
па стане на 31 кастрычніка 2010 году

Патсдам	156,6	Штраўсбэрг	26,2
Котбус	102,0	Гэнігсдорф	25,9
Брандэнбург	71,9	Блянкенфэльдэ-Маляў	25,7
Франкфурт	60,4	Ратэнаў	25,3
Араніенбург	41,9	Шпрэмбэрг	24,4
Эбэрсвальдэ	41,0	Гогэн-Ноендорф	24,4
Фалькензэ	40,5	Людвігсфэльдэ	24,0
Бэрнаў	36,3	Вэрдэр	23,0
Швэт	34,1	Тэльтаў	22,5
Кёнігс-Вустэргаўзэн	34,0	Вандліц	21,7
Фюрстэнвальдэ	32,5	Форст	20,7
Нойрупін	31,6	Люкенвальдэ	20,5
Айзэнгютэнштат	31,2	Прэнцляў	20,1
Зэнфтэнбэрг	26,5

Адносіны зь Беларусьсю [рэдагаваць]

Брандэнбург уваходзіць у лік фэдэральных земляў ФРГ, зь якімі Рэспубліка Беларусь падтрымлівае найбольш інтэнсіўнае ўзаемадзеяньне ў розных сфэрах. У 2009 годзе тавараабарот паміж Беларусяй і Брандэнбургам склаў 43,4 млн. даляраў. Экспарт Беларусі — 7,5 млн., імпарт — 35,9 млн. Аснова беларускага экспарту — прадукцыя дрэваперапрацоўкі, тэкстыль, вырабы з мэталу, машыны. Імпартуюцца прадукты харчаваньня, вырабы з драўніны, мэталу, прадукцыя хімічнай і фармацэўтычнай прамысловасьці, электраабсталяваньне, машыны.