Жэнэва

Жэнэва
Genève
Герб Жэнэвы
Мэр:	Рэмі Пагані
Насельніцтва:	185,726 (2007)
Часавы пас: • летні час:	UTC+1 UTC+2
Геаграфічныя каардынаты:	46°12′ пн. ш. 6°09′ у. д.
Жэнэва на мапе Швайцарыі Жэнэва
Галерэя здымкаў у Wikimedia Commons
http://www.ville-ge.ch

Жэнэ́ва (па-француску: Genève, па-нямецку: Genf  De-Genf.ogg , па-італьянску: Ginevra) — другі па велічыні і колькасьці насельніцтва горад Швайцарыі. Траціну насельніцтва складаюць грамадзяне іншых краін. Горад разьмешчаны на паўднёва-заходнім беразе Жэнэўскага возера, паміж гарамі Юра і Альпамі. Жэнэва зьяўляецца адміністрацыйным цэнтрам аднайменнага кантону.

Жэнэўскі фантан

Жэнэва разьдзелена на дзьве часткі ракой Рона. Стары горад — гістарычны цэнтар Жэнэвы — знаходзіцца на левым беразе. У гэтай частцы знаходзяцца галоўныя помнікі архітэктуры: сабор Сьвятога Пятра, плошча Бург дэ Фур, Жэнэўскі ўнівэрсытэт, Манумэнт Рэфармацыі.

Сусьветна вядомая вялікай колькасьцю прыватных банкаў, Жэнэва таксама вядома як эўрапейская штаб-кватэра ААН, як месца дзе нарадзіўся рух кальвінізму і быў утвораны Міжнародны Камітэт Чырвонага Крыжа. Усе міжнародныя арганізацыі, якія маюць штаб-кватэры ў Жэнэве, разьмешчаны ў новым горадзе, на правым беразе Роны. Тут таксама знаходзяцца штаб-кватэры Міжнароднай арганізацыі працы, Міжнароднай арганізацыі па міграцыі, Сусьветнай арганізацыі аховы здароўя многіх іншых. Тут знаходзіцца палац, дзе разьмяшчалася штаб-кватэра Лігі Нацыяў — папярэдніцы ААН.

Жэнэва акружаная францускай тэрыторыяй, са Швайцарыяй яе злучае толькі возера і вузкая палоска сушы. Уплыў Францыі бачны паўсюль: у выглядзе мансардных дахаў, жалезных бальконаў, надпісах на францускай мове.

Славутасьці

• Сьцяна Рэфармацыі

Вонкавыя спасылкі

 Жэнэва — сховішча мультымэдыйных матэрыялаў

• Афіцыйная старонка ^(фр.)