Вольфганг Паўлі
| Вольфганг Эрнст Фрыдрых Паўлі | |
| па-нямецку: Wolfgang Ernst Pauli | |
 |
|
| Нарадзіўся | 25 красавіка 1900 |
|---|---|
| Памёр | 15 сьнежня 1958 Цюрых, Швэйцарыя |
| Грамадзянства | Швэйцарыя |
| Навуковая сфэра | фізыка |
| Месца працы | Вышэйшая тэхнічная школа (Цюрых) |
| Альма-матэр | Мюнхэнскі ўнівэрсытэт |
| Навуковы кіраўнік | Арнольд Самэрфэльд |
| Вядомы як | прадказальнік існаваньня нэўтрына аўтар прынцыпу выключэньня (забароны) |
| Узнагароды і прэміі | Нобэлеўская прэмія па фізыцы (1945 год) |
Во́льфґанґ Эрнст Фрыдрых Па́улі (па-нямецку: Wolfgang Pauli; 25 красавіка 1900, Вена — 15 сьнежня 1958, Цюрых) — фізык, ляўрэат Нобэлеўскай прэміі 1945 году. Зрабіў вялізарны ўнёсак у разьвіцьцё квантвае мэханікі, квантавай электрадынамікі, фізыцы магнетызму, тэорыі адноснасьці ды агульнай тэорыі поля, фізыцы элемэнтарных часьцінак. Прадказаў існаваньне нэўтрына, сфармуляваў прынцып выключэньня (забароны).
Зьмест |
Жыцьцё і кар’ера[рэдагаваць]
Вольфганг Паўлі нарадзіўся ў сям’і вядомага прафэсара хіміі. З маленства праявіў выключныя матэматычныя здольнасьці. Ва ўзросьце васемнаццаці гадоў скончыў гімназію. Адразу напісаў артыкул, прысьвечаны энэргіі гравітацыйнага поля, які потым быў надрукаваны ў часопісе «Physicalische Zeitschrift». Паступіў у Мюнхэнскі ўнівэрсытэт, дзе ягоным навуковым кіраўніком стаў Арнольд Самэрфэльд. Ад 1921 да 1928 году працаваў у Гётынгене (ў М. Борна), у Капэнгагене (ў Нільса Бора) ды ў Гамбургу. У 1924 годзе выявіў прынцып забароны. Ад 1928 году займаў катэдру тэарэтычнай фізыкі Вышэйшай тэхнічнай школы ў Цюрыху. Падчас Другой сусьветнай вайны працаваў у Інстытуце вышэйшых дасьледаваньняў (Прынстан, ЗША). У 1945 годзе атрымаў Нобэлеўскую прэмію за ўнёсак у разьвіцьцё квантавай тэорыі. Пасьля заканчэньня вайны вярнуўся ў Цюрых, дзе працаваў да сьмерці. Памёр 15 сьнежня 1958 году ад раку падстраўнікавай залозы.
Унёсак у навуку[рэдагаваць]
Зрабіў значны ўнёсак у фізыку элемэнтарных часьцінак. У 1931 годзе выказаў гіпотэзу існаваньня нэўтрына. У 1950-я сфармуляваў CPT-тэарэму.
Літаратура[рэдагаваць]
- Голин Г. М. Паули = Паўлі // Клясыкі фізычнай навукі = Классики физической науки. — Мн.: Выш. школа., 1981. — С. 133-136. — 190 с.
Вонкавыя спасылкі[рэдагаваць]
Вольфганг Паўлі — сховішча мультымэдыйных матэрыялаў
|
||||||||
| Гэта — накід артыкула. Вы можаце дапамагчы Вікіпэдыі, пашырыўшы яго. |
