Гаральд II Годвінсан

Гаральд II Годвінсан

Гаральд II Годвінсан (па-старажытнаангельску: Harold Gōdwines sunu; 1022 — 14 кастрычніка 1066) — апошні англасаксонскі кароль Ангельшчыны да Нармандзкай заваёвы. Гаральд каранаваўся 5 студзеня 1066 і кіраваў каралеўствам да сваёй сьмерці ў бітве пры Гастынгсе 14 кастрычніка таго ж году, змагаючыся супраць нармандзкіх захопнікаў, пад кіраўніцтвам Вільгельма I Заваёўніка. Гаральд адзін з трох каралёў Ангельшчыны, што былі забіты на поле бойкі, побач з Рычардам I Львінае сэрца й Рычардам III.

Гаральд ня быў прадстаўніком каралеўскай дынастыі, але меў дачыненьне да яе. Яго сястра Эдыт Ўсэкская была жонкай Эдуарда Спавяданьніка. Таксама Гаральд меў сваяцтва з дацкім каралеўскім дворам, ён быў стрыечным братам караля Свэна II.

Гаральд да таго як стаць каралём быў эрлам Ўэсэксу, а потым быў назначаны яшчэ й на пасаду эрла Гэрэфорда. Удзельнічаў у пераможнай ваеннай кампаніі супраць Грыфіда ап Лівэліна Гвінэдзкага — ўладара Валіі — у 1062—1963 гадох. Стаў каралём па парадзе Эдуарда Спавяданьніка й па рашэньню Ўітэнагемоту на наступны дзень пасьля сьмерці Эдварда.

Па традыцыі лічыцца, што Гаральд быў забіты стралой у вока падчас бітвы пры Гастынгсе.

Папярэднік Эдуард Спавяданьнік

Кароль Ангельшчыны 1066

Наступнік Эдгар Этэлінг

Вонкавыя спасылкі

 Гаральд II Годвінсан — сховішча мультымэдыйных матэрыялаў

• Прафайл Гаральда Годвінсана ^(анг.)
• BBC. Гістарычныя асобы ^(анг.)