Гемарой

Гемарой

Гемарой (па-грэцку: αἷμα + ῥεῖν — кроў + цекчы; народная назва — пачачуй) — захворваньне, зьвязанае з трамбозам, запаленьнем, паталягічным пашырэньнем і зьвітасьцю гемараідальных венаў, якія ўтвараюць вузлы вакол прамой кішкі. Суправаджацца ўзнікненьнем такіх хваробаў, як вострая і хранічная анальная трэшчына, рэктальны сьвішч, гнайнікі вакол прамой кішкі і нетрыманьне газаў(en). Ускладненьні хваробы выклікаюць ацёк(en) анальнай адтуліны, гнойны парапрактыт(en) і амярцьвеньне(en) тканак гемараідальнага вузла.

Папярэджаньне

Узьнікненьне хваробы прадухіляе:

• штодзённае піцьцё 2 літраў вадкасьці;
• ужыцьцё кашаў, сьвежай і багатай на абалоніну гародніны (буракі(be), гарбузы(en) і кабачкі(en)) і садавіны (бананы, марэлі і чарнасьліў(en)), таксама жытняга і пшанічнага вотруб’я(en), марской капусты(be) і насеньня(en) лёну;
• уніканьне ўжыцьця сьпіртовых і газаваных напояў, вострай і салёнай ежы;
• прыём шклянкі высокамінэралізаванай вады(be) тройчы на дзень;
• уніканьне выкарыстаньня слабільнага сродка(en) і клізмы(en);
• пазбяганьне пад’ёму цяжараў;
• штодзённае выкананьне 20 практыкаваньняў для брушнога прэса, ног(en) і крумянкоў;
• частыя перапынкі пры кіраваньні самаходам;
• апаражненьне(en) кішачніка(en) толькі пры адчуваньні позыва;
• уніканьне лішняй вагі.

Чыньнікі

Разьвіцьцю хваробы спрыяе маларухомы лад жыцьця(en), працяглая праца ў сядзячым(en) і стаячым(en) становішчы, пад’ём цяжараў, прыём вострай і тлустай(en) ежы з алькаголем(be), запор(en) і панос.

Праявы

Хвароба напачатку выяўляецца пра смыленьне, сьверб, паколваньне і расьпіраньне ў вобласьці задняга праходу пры спаражненьні. Вакол ануса ўтвараецца балючае зацьвярдзеньне ў выглядзе спляценьня пашыраных крывяных сасудаў. З часам боль пачынае ўзьнікаць пры кашлі і руху цела(en), што замінае стаяць, хадзіць і сядзець. Затым падчас спаражненьня зьяўляецца крывацёк(en), што выклікае малакроўе(be) і слабасьць.