Пшаніца

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Пшаніца
Wheat close-up.JPG
Клясыфікацыя
Царства Расьліны
Аддзел Пакрытанасенныя
Кляса Аднадольныя
Атрад Метлюжковакветныя
Сямейства Метлюжковыя
Віды
Бінамінальная намэнклятура
Triticum

Пшаніца (па-лацінску: Triticum) — род травяністых, галоўным чынам аднагадовых, расьлінаў сямейства Злакі, вядучая збожжавая культура ў шматлікіх краінах, у тым ліку і Беларусі. У 2010 годзе сусьветная вытворчасьць пшаніцы складала 651 млн тон, што робіць яе трэцяй паводле вытворчасьці збожжавая культурай пасьля кукурузы (844 млн тон) і рысу (672 млн тон)[1].

Сусьветны гандаль пшаніцай большы за гандаль усіх іншых культураў у спалучэньні[2]. Ва ўсім сьвеце, пшаніца зьяўляецца вядучай крыніцай расьліннага бялку ў ежы чалавека, маючы больш высокае ўтрыманьне бялку за іншыя асноўныя збожжавыя, як то кукуруза або рыс[3]. З пункту гледжаньня агульнага танажу прадукцыі, якія выкарыстоўваюцца для вытворчасьці прадуктаў харчаваньня, у цяперашні час пшаніца ёсьць другой пасьля рысу асноўнай культурай, якая выкарыстоўваецца ў рацыёне чалавека, апярэджваючы кукурузу, якая мае больш шырокае выкарыстаньне ў якасьці складніку кормаў для жывёлаў.

Пшаніца зьяўлялася ключавым фактарам да стварэньня ўмоваў фармаваньня гарадзкіх паселішчаў на пачатку цывілізацыяў, бо зьяўлялася адной зь першых культураў, якія маглі былі быць лёгка акультываваны ў вялікіх маштабах. Акрамя таго пшаніца можа доўгатэрмінова захоўвацца без страты карысных уласцівасьцяў. Мука зь зерня пшаніцы ідзе на выпяканьне хлеба, выраб макаронных і кандытарскіх вырабаў. Пшаніца таксама выкарыстоўваецца як кармавая культура, уваходзіць у некаторыя рэцэпты рыхтаваньня піва і гарэлкі.

Крыніцы[рэдагаваць | рэдагаваць крыніцу]

  1. ^ «World Wheat Crop To Be Third Largest Ever». Farmers Weekly 152.13 (2010): 134. Academic Search Premier.
  2. ^ Bread Wheat. Food and Agriculture Organization of the United Nations.
  3. ^ Nutrient data laboratory. United States Department of Agriculture.

Вонкавыя спасылкі[рэдагаваць | рэдагаваць крыніцу]

Commons-logo.svg  Пшаніцасховішча мультымэдыйных матэрыялаў