Пустэльня

Зьвесткі зь Вікіпэдыі — вольнай энцыкляпэдыі.

Пустэ́льня (Пусты́ня) — тэрыторыя пазбаўленая гаматнай расьліннасьці ў выніку малой колькасьці ападкаў (да 100 – 150 мм на год), высокай тэмпературы паветра (у сярэднім каля +30°C, бываюць выпадкі і да +50°C, уначы тэмпература каля 0°C).

Расьліннасьць нязначная, але шмат відаў прыстасавалася да такіх экстрэмальных кліматычных умоў шляхам скарачэньня вэгетацыйнага пэрыяду да даўжыні дажджавога пэрыяду, назапашваньня вады, ці павялічэньнем карэннай сыстэмы ў глыб. Але нават уся расьліннасьць пустэльні займае толькі 10% паверхні. Выключэньні складаюць толькі аазісы.

У залежнасьці ад тыпу паверхні пустэльні дзеляцца:

• камяністыя;
• скалістыя;
• пясчаныя;
• глеістыя;
• салёныя;
• гарыстыя;
• лёдавыя.

Найвялікшыя пустэльні ў сьвеце

• Сахара — 8.397.000 км²,
• Вялікая пустэльня Вікторыі — 1.549.000 км²,
• Нехуд — 1.300.000 км²,
• Гобі — 1.039.000 км²,
• Калахары — 521.000 км²,
• Кызыл-Кум і Кара-Кум — 360.000 км²,
• Такламакан — 311.000 км²,
• Санора — 311.000 км²,
• Тхар — 259.000 км².

[рэдагаваць] Вонкавыя спасылкі

 Пустэльня — сховішча мультымэдыйных матэрыялаў