Софі Эліс-Бэкстар

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Софі Эліс-Бэкстар
Софі Мішэль Эліс-Бэкстар
Sophie Ellis-Bextor.jpg
Дата нараджэньня 10 красавіка 1979
Месца нараджэньня Лёндан (Вялікабрытанія)
Гады творчасьці 1997 — дагэтуль
Краіна Сьцяг Вялікабрытаніі Вялікабрытанія
Нацыянальнасьць англічанка
Прафэсіі сьпявачка, кампазытар, мадэль
Інструмэнты вакал, фартэпіяна, гітара
Жанры электрапоп, дыска, танцавальная, гаўс
Псэўданімы Mademoiselle E.B.
Гурты theaudience
Супрацоўніцтва Manic Street Preachers, DJ Spiller, The Freemasons, Armin van Buren, Junior Calder, Busface
Лэйблы Polydor, Fascination
Узнагароды 2002 — Showbusiness Recording Artist Award[1]; 2003 — Edison Music Award — Best Dance Album (за альбом Read My Lips) [2]; 2007 — European Top 100 Albums (за альбом «Trip the Light Fantastic»)
SophieEllisBextor.net

Софі Мішэль Эліс-Бэкстар (па-ангельску: Sophie Michelle Ellis-Bextor) — ангельская сьпявачка і кампазытар.

Жыцьцяпіс[рэдагаваць | рэдагаваць крыніцу]

Нарадзілася 10 красавіка 1979 году ў Лёндане (Вялікабрытанія) ў сям’і актрысы Джэнэт Эліс і тэлерэжысэра Робіна Бэкстара. Бацькі разьвяліся, калі Софі было 4 гады. Мае трох сёстраў і двух братоў.

Музычную кар’еру распачала ў 1997 годзе ў якасьці вакалісткі гурта «Theaudience», які праіснаваў менш за год. Пасьля Софі спрабавала працаваць мадэльлю і займацца пісьменьніцтвам, але гэтыя заняткі яе не захапілі.

З 2005 году Софі замужам за бас-гітарыстам брытанскага гурта «The Feeling» Рычардам Джонсам. У іх тры сыны: Соні (2004 г.н.), Кіт Вэлэнтайн (2009 г.н.) і Рэй Холідэй (2012 г.н.).

Актыўна ўдзельнічае ў грамадзкай кампаніі ў абарону правоў жывёлаў[3] і падтрымлівае кампаніі па ахове навакольнага асяродзьдзя[4][5].

Творчасьць[рэдагаваць | рэдагаваць крыніцу]

Музыка Эліс-Бэкстар уяўляе сабой мілагучную сумесь музыкі поп, сучасных танцавальных рытмаў, дыска і характэрных электронных эфэктаў 1980-х гг.

Посьпех да Эліс-Бэкстар прыйшоў ў 2000 годзе пасьля прапановы вядомага італьянскага ды-джэя Сьпілера запісаць вакальную партыю да яго кампазыцыі «Groovejet». Песьня атрымала назву «If This Ain’t Love…» («Калі гэта не каханьне…») і патрапіла на першыя месцы ў шматлікіх гіт-парадах, у тым ліку адразу на першае месца ў Вялікабрытаніі.

У 2001 годзе дэбютны альбом Эліс-Бэкстар «Read My Lips» («Чытай па маіх вуснах») дасягнуў другой пазыцыі ў сьпісе найбольш папулярных у Вялікабрытаніі альбомаў. Гэтай жа вышыні дасягнулі дзьве песьні з альбому: вэрсія песьні Шэр «Take Me Home» («Забяры мяне дамоў») і «Murder on the Dancefloor» («Забойства на танцавальнай пляцоўцы»). Апошняя песьня стала найбольш пасьпяховай у кар’еры сьпявачкі: кампазыцыя заставалася ў сьпісе Топ-40 на працягу 23 тыдняў і стала самай прайграванай песьняй у Эўропе ў 2002 годзе[6].

Другі студыйны альбом сьпявачкі «Shoot from the Hip» выйшаў у 2003 годзе і быў менш пасьпяховым за дэбютны. Дзьве кампазыцыі зь яго — «Mixed Up World» («Складаны сьвет») і «I Won’t Change You» («Я ня буду зьмяняць цябе») — дасягнулі ў сьпісе папулярных песень Вялікабрытаніі адпаведна 6 і 9 месцы.

Трэці альбом сьпявачкі «Trip the Light Fantastic» (2007) стаў залатым: было прададзена больш за 100 тысячаў яго асобнікаў.

У верасьні 2007 году Эліс-Бэкстар прадстаўляла Вялікабрытанію на Сопацкім музычным фэстывалі (Польшча).

Увосень 2013 году прыняла ўдзел у 11-м сэзоне тэлевізыйнага танцавальнага шоў «Strictly Come Dancing» на брытанскім канале «BBC One», дзе выступала разам з прафэсійным танцорам Брэнданам Коўлам.[7]

Ellis-bextoratgay.jpg

Дыскаграфія (сольныя студыйныя альбомы)[рэдагаваць | рэдагаваць крыніцу]

Год выданьня Альбом Прафэсійны рэйтынг AllMusic
2001 Read My Lips («Чытай па маіх вуснах») [8] 2.5 з 5 зорак
2003 Shoot from the Hip (шматзначны сэнс: «Страляй ад сьцягна» ці «Здымак ад сьцягна») [9] 3 з 5 зорак
2007 Trip the Light Fantastic («Падарожжа на Вар’яцкую зорку», алюзія на раман Тэры Прачэта, на слэнгу назва альбома азначае «танцаваць», «запальваць») [10] 4 з 5 зорак
2011 Make a Scene (шматзначны сэнс: «Учыні сцэну» ці «Стань заўважным») [11] 3 з 5 зорак
2014 Wanderlust («Прага падарожжаў», у адзабленьні назвы альбому выкарыстаны асобныя кірылічныя літары) [12] 3.5 з 5 зорак

Найбольш вядомыя песьні[рэдагаваць | рэдагаваць крыніцу]

  • 2000 — «Groovejet (If This Ain’t Love…)» («Файна (Калі гэта не каханьне…)»)[13]
  • 2001 — «Take Me Home» («Забяры мяне дамоў») [14]
  • 2001 — «Murder on the Dancefloor» («Забойства на танцавальнай пляцоўцы»)[15]
  • 2003 — «Mixed Up World» («Складаны сьвет»)[16]
  • 2003 — «I Won’t Change You» («Я не буду зьмяняць цябе»)[17]
  • 2007 — «Catch You» («Схапіць цябе»)[18]
  • 2007 — «Me and My Imagination» («Я і мая фантазія»)[19]
  • 2007 — «Today the Sun’s on Us» («Сёньня сонца сьвеціць нам»)[20]
  • 2009 — «Heartbreak (Make Me a Dancer)» («Няшчасьце (Зрабі мяне танцоркай)»)[21]
  • 2010 — «Can’t Fight This Feeling» («Не магу змагацца з гэтым пачуцьцём»)[22]
  • 2010 — «Bittersweet» («Горка-салодкі»)[23]
  • 2010 — «Not Giving Up on Love» («Не адмаўляюся ад каханьня»)[24]
  • 2013 — «Young Blood» («Маладая кроў»)[25]
  • 2014 — «Runaway Dreamer» («Летуценьнік-уцякач»)[26]
  • 2014 — «Love Is a Camera» («Любоў гэта фотаапарат»)[27]
  • 2014 — «The Deer and the Wolf» («Алень і воўк»)[28]

Музычная група[рэдагаваць | рэдагаваць крыніцу]

  • Клявішныя: Крыстыян Джуліна (Christian Gulino)
  • Гітара: Ніл Джоўнз (Neil Jones)
  • Бас-гітара: Джэймз Агвай (James Ahwai)
  • Барабаны: Джэксан Эліс Ліч (Jackson Ellis Leach)

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]