Таль Бэн Хаім

Таль Бэн Хаім
טל בן-חיים
Пэрсанальная інфармацыя
Нарадзіўся	31 сакавіка 1982 Рышон-ле-Цыён, Ізраіль
Рост	183
Пазыцыя	абаронца
Клюбная інфармацыя
Клюб	Кўінз Парк Рэйнджарз
Нумар	21
Моладзевыя клюбы
1988—2001	Макабі Тэль-Авіў
Клюбы
Гады	Клюб	Гульні (галы)¹
2001—2004 2004—2007 2007—2008 2008—2009 2009 2009—2012 2010—2011 2013—	Макабі Тэль-Авіў Болтан Ўандэрэрз Чэлсі Манчэстэр Сіці → Сандэрлэнд (арэнда) Портсмут → Ўэст Гэм Юнайтэд (арэнда) Кўінз Парк Рэйнджарз	86 (2) 88 (1) 13 (0) 9 (0) 5 (0) 22 (0) 8 (0) 2 (0)
Нацыянальная зборная
2002—	Ізраіль	71 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 22 красавіка 2013. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 29 лістапада 2012.

Таль Бэн Хаім (на іўрыце: טל בן-חיים, па-ангельску: Tal Ben-Haim; 31 сакавіка 1982, Рышон-ле-Цыён, Ізраіль) — ізраільскі футбаліст, абаронца аннгельскага клюбу «Кўінз Парк Рэйнджарз» і нацыянальнай зборнай Ізраілю.

Клюбная кар’ера

«Макабі» Тэль-Авіў

Бэн Хаім прыйшоў у «Макабі» з Тэль-Авіва ў 1998 годзе ў якасьці запаснога гульца, празь некаторы час яму атрымалася прабіцца ў асноўны склад каманды. З 2000 па 2002 гады ён праходзіў ваенную службу ў Войску абароны Ізраілю (IDF). Пасьля завяршэньня тэрміна службы і вяртаньня ў каманду, Бэн Хаім згуляў істотную ролю ў перамозе «Макабі» ў нацыянальным чэмпіянаце сэзону 2002—2003 гадоў.

Болтан Ўандэрэрз

Пасьля двухтыднёвага прагляду ў «Болтане» ўлетку 2004 году, трэнэр ангельцаў Сэм Элардайс запрасіў яго ў сваю каманду. Бэн Хаім падпісаў трохгадовы кантракт. Хоць Элардайс не лічыў яго неадкладна гатовым да суровых умоваў Прэм’ер-лігі, ён быў упэўнены, што з часам Бэн Хаім стане гуляць прыкметную ролю ў ангельскім футболе, як у свай час гэта атрымлівалася яго выбітнаму суайчыньніку Эялу Беркавічу.

Яго першы сэзон у Ангельшчыне склаўся ўдала, ён выходзіў на поле ў 27 матчах і забіў свой першы гол за «Болтан» у хатняй перамозе над «Тотэнхэмам» зь лікам 3:1. Адзіным, што трохі перашкодзіла яго пасьпяховаму выступу была сутычка з Ўэйнам Руні ў матчы лігі, калі Руні меркавана стукнуў яго ў твар. Бэн Хаім, як сьцьвярджалася, залёгка зваліўся, адлюстроўваючы ахвяру, і быў абвінавачаны футбольнай асацыяцыяй у неналежных паводзінах. Пазьней гэтыя абвінавачваньні былі зьнятыя.

20 кастрычніка 2005 году ў матчы Кубка УЭФА з «Бэшыкташам» Бэн Хаім надзеў капітанскую павязку «Болтану» і быў высока ацэнены капітанам каманды Джэй-Джэем Акочам.

Уражлівая гульня Бэн Хаіма ў абароне, паказаная ў яго наступных сэзонах у «Болтане» выклікала цікавасьць шматлікіх клюбаў, уключаючы «Чэлсі», «Ўэст Хэм», «Тотэнхэм». У студзені 2007 году «Чэлсі» пацьвердзіў, што перамовы па набыцьці Бэн Хаіма ў «Болтану» не ўвянчаліся посьпехам.

Па заканчэньні сэзону 2006—2007, кантракт Бэн Хаіма скончыўся, і яго будучыня ў «Болтане» была пад сумневам. Прэса адпраўляла яго то ў «Чэлсі», то ў «Ньюкасл», дзе былы трэнэр «Болтану» Сэм Элардайс, заяўляў, што быў гатоў зрабіць прапанову свайму былому падапечнаму аб пераходзе ў «Ньюкасл».

Яго трансфэр з «Макабі» ў «Болтан» у ліпені 2004 году быў адным з згаданых у чэрвені 2007 году ў дакладзе лорда Стывэнса аб карупцыі ў ангельскім футболе. Трансфэр выклікаў падазроны з-за відавочнага канфлікту інтэрасаў паміж агентам Крэйгам Элардайсам, яго бацькам Сэмам Элардайсам — тагачасным трэнэрам «Болтану» — і самім клюбам.

Чэлсі

14 чэрвеня 2007 году «Чэлсі» афіцыйна абвясьціў аб падпісаньні з Бэн Хаім дамовы па правілу Босмана пасьля таго, як ён прайшоў мэдыцынскае абсьледаваньне ў Стэмфард Брыдж. Бэн Хаім сказаў: «Я вельмі рады далучыцца да аднаго з найвялікшых клюбаў у сьвеце. Мне патрэбна новая мэта. Я буду гуляць на любой пазыцыі, дзе мяне захоча ўбачыць Жазэ Маўрынью. Я зь нецярпеньнем чакаю пачатку новага сэзону Лігі чэмпіёнаў».

Свой канкурэнтны дэбют у «Чэлсі» ён правёў супраць «Манчэстэр Юнайтэд» у Супэркубку Ангельшчыны.

Крыніцы

 Таль Бэн Хаім — сховішча мультымэдыйных матэрыялаў