Арцюр Рэмбо

Арцюр Рэмбо
франц. Arthur Rimbaud
Арцюр Рэмбо ў 17 год, фатаздымак Эцьена Каржа «верагодна зроблены ў сьнежні 1871»
Асабістыя зьвесткі
Імя пры нараджэньні:	Жан Нікаля Арцюр Рэмбо (Jean Nicolas Arthur Rimbaud)
Нарадзіўся:	20 кастрычніка, 1854, Шарлявіль, Францыя
Памёр:	10 лістапада, 1891 (37 гадоў) Марсэль, Францыя
Грамадзянства:	Францыя
Літаратурная дзейнасьць
Род дзейнасьці:	паэт
Гады творчасьці:	1869 — 1873
Напрамак:	сымбалізм
Творы ў ВікіКрыніцы

Арцюр Рэмбо (па-француску: Jean Nicolas Arthur Rimbaud; 20 кастрычніка, 1854, Шарлявіль — 10 лістапада, 1891, Марсэль) — францускі паэт, які аказаў выключны ўплыў на паэзыю сымбалізму і лічыцца адным з пачынальнікаў сюрэалізму.

Нарадзіўся ў Шарлявілі ў Ардэнах — дэпартамэнце ў паўночна-ўсходняй Францыі. У 16 пачаў пісаць вершы. Шмат разоў уцякаў з дому, вёў разбэшчанае жыцьцё. Некаторы час жыў у Парыжы з Полем Вэрленам, зь якім меў любоўную афэру (яны былі ў гомасэксуальнай сувязі).

У Парыжы Рэмбо бярэ ўдзел у паўстаньні Парыскай камуны. У 1872 Поль Вэрлен кідае сям’ю і зьязджае з Рэмбо ў Лёндан. Некаторы час жывучы там, яны падарожнічаюць па Эўропе і растаюцца ў Брусэлі, пасьля таго, як Вэрлен пад узьдзеяньнем абсэнту страляе ў Рэмбо зь пісталета. Пасьля растаньня з Вэрленам Рэмбо вяртаецца дамоў.

Ён перастае пісаць і падарожнічае па сьвеце да 1880 году. Затым у Афрыцы (у Эгіпце і Этыёпіі), а таксама ў Емэне ён займаецца гандлем кавай, скуры і зброі.

У лютым 1891 году Рэмбо вяртаецца ў Францыю, дзе яму ампутуюць нагу з-за ракавай пухліны. Рэмбо памірае ў Марсэлі, у шпіталі, 10 лістапада 1891 году. Пахаваны ў Шарлэвілі.

Бібліяграфія

• П'яны карабель / Le bateau ivre (1871)
• Лета ў апраметнай / Une Saison en Enfer (1873)
• Азарэньні / Les illuminations (1874)

Вонкавыя спасылкі

 Арцюр Рэмбо — сховішча мультымэдыйных матэрыялаў

• Верш Арцюра Рэмбо «Баль шыбенікаў» у перакладзе Андрэя Хадановіча
• Верш Арцюра Рэмбо «П’яны карабель» у перакладзе M. Iнфоліякрата
• THE QUIET LIFE A collection of photos and drawings of Arthur RİMBAUD Edited by Beyaz Arif AKBAS Yalnizgoz BOOKS/Edirne 2011 USA ISBN-13: 9781468018011