Вікіпэдыя:Правілы і рэкамэндацыі

Дапамога · Суполка · Ацэньваньне · Узнагароды · Праекты · Парталы · Запыты Пачаткоўцам · Частыя пытаньні · Правілы і рэкамэндацыі · Пошук · Пясочніца

Перад тым, каб падаць інфармацыю пра правілы і рэкамэндацыі, варта заўважыць, што мэта беларускай Вікіпэдыі — стварэньне паўнавартаснай, дакладнай энцыкляпэдыі на беларускай мове і нічога болей. Каб зрабіць гэты працэс больш узгодненым і зразумелым для кожнага, распрацаваны шэраг правілаў і рэкамэндацыяў, якіх варта прытрымлівацца ўсім удзельнікам. Асноўная інфармацыя пра гэтыя правілы і прыведзеная ў гэтым артыкуле. Увесь сьпіс правілаў і рэкамэндацыяў можна знайсьці ў катэгорыі Вікіпэдыя:Правілы і рэкамэндацыі.

Правілы і рэкамэндацыі выражаюць стандарты, па якіх быў дасягнуты кансэнсус сярод удзельнікаў, кожны са сваёй ступеньню важнасьці: правілы — абавязковыя для выкананьня ўсімі ўдзельнікамі, рэкамэндацыі ж носяць больш характар парадаў. Відавочна, што ніводны звод правілаў ня здольны ахапіць абсалютна ўвесь спэктар пытаньняў і аспэктаў, таму імі трэба карыстацца сыходзячы з агульнага сэнсу. І, калі ўдзельнік парушае дух гэтых правілаў, няхай тэхнічна не парушыўшы ніводзін зь іх, ён заслугоўвае вымовы. Тыя ж удзельнікі, якія праяўляюць добрыя намеры, ветлівасьць і шукаюць дасягненьня кансэнсусу, заслугоўваюць гасьціннага асяродзьдзя.

Кожны ўдзельнік, у тым ліку і Вы, зьяўляецца назіральнікам і рэдактарам Вікіпэдыі. У Вікіпэдыі няма галоўнага рэдактара, ці мэханізму цэнзуры, калі артыкул праходзіць зацьверджаньне перад выданьнем. Актыўныя ўдзельнікі выпраўляюць фармат і зьмест, калі гэта патрэбна, сыходзячы з агульнага сэнсу ці з існуючых правілаў.

Некаторымі паўнамоцтвамі, такімі як выдаленьне артыкулаў ці блякаваньне артыкулаў ад рэдагаваньня, надзеленыя толькі адміністратары, якія маюць пэўны ўзровень вопытнасьці і надзейнасьці. Таксама толькі адміністратары могуць заблякаваць удзельнікаў, заўважаных за вандалізмам.