Карляс Саавэдра Лямас

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Карляс Саавэдра Лямас
гішп. Carlos Saavedra Lamas
Carlos Saavedra Lamas.jpg
Род дзейнасьці палітык, дыплямат
Дата нараджэньня 1 лістапада 1878
Месца нараджэньня Буэнас-Айрэс
Дата сьмерці 5 траўня 1959
Месца сьмерці Буэнас-Айрэс

Карляс Саавэдра Лямас (па-гішпанску: Carlos Saavedra Lamas, 1 лістапада 1878, Буэнас-Айрэс, Аргентына — 5 траўня 1959, Буэнас-Айрэс, Аргентына) — аргентынскі навуковец-правазнавец і палітык, у 1936 годзе стаў першым лацінаамэрыканскім ляўрэатам Нобэлеўскай прэміі міру.

Біяграфія[рэдагаваць | рэдагаваць крыніцу]

У 1903 годзе скончыў Унівэрсытэт Буэнас-Айрэса са ступеньню доктара права. Зьяўляўся прафэсарам міжнароднага права, а таксама выкладаў правазнаўства і сацыялёгію ва ўнівэрсытэце Ля-Платы. Сваю палітычную кар’еру пачаў у 1906 годзе, узначаліў грамадзкую крэдытную службу. У 1908 годзе быў абраны ў парлямэнт Аргентыны, а ў 1915 годзе быў прызначаны міністрам юстыцыі і грамадзкай адукацыі. З 1932 па 1938 год займаў пасаду міністра замежных справаў ва ўрадзе Агустына Пэдра Хуста. 3 жніўня 1932 году ў сваёй міністэрскай дэклярацыі сфармуляваў прынцыпы міжнародных адносінаў, якія былі пакладзены ў аснову пакта Саавэдра Лямаса 1933. У 1935 годзе прыняў удзел ва ўрэгуляваньні балівійска-парагвайскага канфлікту, стварыўшы прымірэнчую камісію з шасьці нэўтральных амэрыканскіх дзяржаваў, пры пасярэдніцтве якой у чэрвені 1934 году было складзена мірнае пагадненне. За свае міратворчыя заслугі ў 1936 годзе ён стаў ляўрэатам Нобэлеўскай прэміі міру. У тым жа годзе быў абраны прэзыдэнтам Лігі народаў.

Літаратура[рэдагаваць | рэдагаваць крыніцу]

Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — 512 с. — 10 000 ас. — ISBN 985-11-0238-5 (Т. 14)

Вонкавыя спасылкі[рэдагаваць | рэдагаваць крыніцу]

Commons-logo.svg  Карляс Саавэдра Лямассховішча мультымэдыйных матэрыялаў