Мікаэль Крон-Дэлі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Мікаэль Крон-Дэлі
Мікаэль Крон-Дэлі
Пэрсанальная інфармацыя
Нарадзіўся 6 чэрвеня 1983 (31 год)
Капэнгаген, Данія
Рост 170 см
Вага 71 кг
Пазыцыя паўабаронца
Клюбная інфармацыя
Клюб Сэльта
Нумар 23
Клюбы
Гады Клюб Гульні (галы)¹
2004—2006
2006—2008
2006—2007
2008—2012
2012—
РКК Ваальвэйк
Аякс
Спарта Р (арэнда)
Брондбю
Сэльта
48 (2)
4 (0)
12 (1)
122 (26)
1 (0)
Зборныя
2006— Данія 24 (6)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
25 жніўня 2012.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
17 чэрвеня 2012.

Мікаэль Крон-Дэлі (па-дацку: Michael Krohn-Dehli; 6 чэрвеня 1983, Капэнгаген, Данія) — дацкі футбаліст, паўабаронца гішпанскага клюба «Сэльта» й нацыянальнай зборнай Даніі. Акрамя паўабароны можа згуляць і на пазыцыі ўінгера.

Кар’ера[рэдагаваць | рэдагаваць крыніцу]

Раньнія гады[рэдагаваць | рэдагаваць крыніцу]

Мікаэль Крон-Дэлі пачаў сваю футбольную кар’еру ў моладзевым клубе «Русэнгёй», ён таксама выступаў за моладзевыя склады клюбаў «Відоўрэ» й «Брондбю». У 2002 годзе Крон-Дэлі адправіўся ў футбольную акадэмію нідэрляндзкага «Аякса» з Амстэрдама. У 2004 годзе Мікаэль быў аддадзены ў арэнду ў клюб «РКК Ваальвэйк». У ягоным складзе дацкі паўабаронца правёў 48 матчаў і забіў 2 мячы.

«Аякс»[рэдагаваць | рэдагаваць крыніцу]

У 2006 годзе Крон-Дэлі вярнуўся ў «Аякс». У камандзе Мікаэль дэбютаваў 17 верасьня ў матчы супраць «Роды», які скончыўся перамогай «Аякса» зь лікам 2:0[1]. У чэмпіянаце Нідэрляндаў сэзону 2006—2007 гадоў Крон-Дэлі выйшаў яшчэ ў двух матчах, 3 сьнежня супраць «Вілем II» выйшаўшы на замену на 46-й хвіліне матчу, які скончыўся пераканаўчай перамогай «Аякса» 6:0, а таксама 17 сьнежня ў матчы супраць «Эксэльсіёра», выйшаўшы на замену на 64-й хвіліне, «Аякса» тады перамог зь лікам 3:1.

«Спарта»[рэдагаваць | рэдагаваць крыніцу]

Другую палову сэзону Мікаэль правёў у арэндзе ў ратэрдамскім клюбе «Спарта». За «Спарту» Крон-Дэлі дэбютаваў 4 лютага 2007 года выйшаўшы на замену ў матчы супраць «Роды», які сконыўся зь лікам 2:2. Усяго за «Спарту» Мікаэль адыграў 12 матчаў, а таксама забіў мяч у матчы 17 сакавіка 2007 года супраць «АДО Дэн Гааг», Крон-Дэлі вызначыўся на 77-й хвіліне, а ягоны клюб перамог зь лікам 4:2.

«Брондбю»[рэдагаваць | рэдагаваць крыніцу]

Пасьля вяртаньня ў «Аякс» Крон-Дэлі згуляў ўсяго адзін матч у чэмпіянаце Нідэрляндаў сэзона 2007—2008 гадоў. 29 жніўня 2008 года Мікаэль падпісаў кантракт з дацкім «Брондбю»[2]. Дэбют Крон-Дэлі за «Брондбю» адбыўся 31 жніўня ў матчы чэмпіянату Даніі супраць «Капэнгагена», які скончыўся перамогай «Брондбю» 1:0. Свой першы гол за «Брондбю» Мікаэль забіў 18 верасьня 2008 года ў матчы Кубка УЭФА супраць нарвэскага «Русэнборга», але гэта не дапамагло клюбу пазьбегнуць паразы зь лікам 2:1.

«Сэльта»[рэдагаваць | рэдагаваць крыніцу]

21 жніўня 2012 года было абвешчана, што Крон-Дэлі далучыцца да «Сэльты» пасьля сканчэньня мэдычнага абсьледаваньня[3].

Міжнародныя выступы[рэдагаваць | рэдагаваць крыніцу]

У нацыянальнай зборнай Даніі Крон-Дэлі дэбютаваў 11 кастрычніка 2006 года ў матчы кваліфікацыйнага турніру да чэмпіянату Эўропы 2008 году супраць зборнай Ліхтэнштайна, які скончыўся перамогай датчанаў зь лікам 4:0. Далей ён не гуляў за зборную яшчэ 2 гады, пакуль не заняў месца левага нападніка замест траўмаванага Мартына Ёргенсэна восеньню 2008 года. На Чэмпіянаце Эўропы 2012 году стаў аўтарам першага гола зборнай Даніі, дзякуючы якому гульцы дацкай зборнай атрымалі першую з 1967 года перамогу над зборнай Нідэрляндаў.

Дасягненьні[рэдагаваць | рэдагаваць крыніцу]

Сьцяг Нідэрляндаў Аякс

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Мікаэль Крон-Дэлісховішча мультымэдыйных матэрыялаў