Уладзіслаў Рачкевіч

Уладзіслаў Рачкевіч
Прэзыдэнт Польскае Рэспублікі
30 верасьня 1939 — 6 чэрвеня 1947
Прэзыдэнт:	прэзыдэнт у лёнданскай эміграцыі
Папярэднік:	Ігнацы Масьціцкі (у краіне)
Наступнік:	Аўгуст Залескі (у эміграцыі)
Маршалак польскага сойму ІІІ скліканьня
9 сьнежня 1930 — 3 кастрычніка 1935
Папярэднік:	Юліан Шыманскі
Наступнік:	Аляксандар Прыстар
Міністар унутраных справаў
28 чэрвеня 1921 — 13 верасьня 1921
Папярэднік:	Леапольд Скульскі
Наступнік:	Станіслаў Даўнаровіч
Міністар унутраных справаў
15 чэрвеня 1925 — 5 траўня 1926
Папярэднік:	Кірыл Ратайскі
Наступнік:	Стэфан Смольскі
Міністар унутраных справаў
13 кастрычніка 1935 — 15 траўня 1936
Папярэднік:	Марыян Зындрам-Касьцялкоўскі
Наступнік:	Феліцыян Савой-Складкоўскі
Асабістыя зьвесткі:
Нарадзіўся:	28 студзеня 1885 Кутаісі, Грузія
Памёр:	6 чэрвеня 1947 Ратын, Валія
Партыя:	Беспартыйны блёк супрацоўніцтва з урадам
Рэлігія:	каталік

Уладзіслаў Рачкевіч (па-польску: Władysław Raczkiewicz; 28 студзеня 1885, Кутаісі, Грузія — 6 чэрвеня 1947, Ратын, Ўэйлз) — польскі дзяржаўны дзяяч. Прэзыдэнт Польшчы на эміграцыі.

У 1917 годзе — старшыня Галоўнага польскага вайсковага камітэту. У 1921, 1925—1926, 1935—1936 — міністар унутраных справаў Польшчы. У 1921—1925 — наваградзкі ваявода, у 1926—1930 — віленскі ваявода. У 1930—1935 — маршалак польскага сойму ІІІ скліканьня (1930—1935). У 1939—1945 — прэзыдэнт Польшчы ў лёнданскай эміграцыі.

Паходзіў з роду Неслухоўскіх, да якога належыць паэт і перакладчык Янка Лучына (Іван Люцыянавіч Неслухоўскі).

Цікавыя факты

• аддаў загад у сьнежні 1919 арыштаваць найбольш актыўных беларусаў-раскольнікаў БНР — Язэпа Мамоньку, Палуту Бадунову, Н. Козіча, Вацлава Ластоўскага.
• 18 чэрвеня 1925 з Рачкевічам, тады міністрам унутраных справаў сустракаліся прадстаўнікі Часовай Беларускай Рады — Аляксей Кабычкін, Арсень Паўлюкевіч і Антон Пінчук-Пінкевіч. Дэлегаты выказалі надзею на нармалізацыю цяжкой і заблытанай сытуацыі на Крэсах.