Цэцылія Рэната Габсбург

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Цэцылія Рэната Габсбург
Cecylia Renata Habsburżanka.JPG
Каралева Польская й вялікая княгіня літоўская
1637 — 1644
Асабістыя зьвесткі:
Нарадзілася: 6 ліпеня 1611
Грац, цяпер Аўстрыя
Памерла: 24 сакавіка 1644
Вільня
Сужэнец: Уладзіслаў Ваза
Бацькі: Фэрдынанд II Габсбург
Марыя Ганна Вітэльсбах
Рэлігія: каталіцтва
Cecylia renata ferdynandowna coat of arms 17th century.png

Цэцылія Рэната Габсбург, Цэцылія Рэната Аўстрыяцкая (па-польску: Cecylia Renata Habsburżanka, па-нямецку: Cäcilia Renata von Habsburg; 6 ліпеня 1611, Грац, цяпер Аўстрыя — 24 сакавіка 1644, Вільня) — каралева польская й вялікая княгіня літоўская, жонка Ўладзіслава Вазы.

Біяграфія[рэдагаваць | рэдагаваць крыніцу]

Была шостым дзіцёнкам імпэратара Сьвятое Рымскае імпэрыі Фэрдынанда ІІ й Марыя Ганны Вітэльсбах. Дзяцінства праводзіла ў Грацы, Вене й Празе.

Першапачатковай кандыдатурай на жонку Ўладзслава Вазы прапаноўвалася француская князёўна Людвіка Марыя Ганзага, але пасьля пад націскам каталіцкае партыі (узначальвалі Альбрыхт Станіслаў Радзівіл і Ежы Асалінскі) выбар быў спынены на Габсбуржанцы. 15 жніўня 1637 у Вене адбыўся шлюб per procura (Уладзіслава замяняў брат Ян Казімер Ваза), уласна ж шлюб адбыўся 12 верасьня 1637 у Варшаве. 13 верасьня ў варшаўскай катэдры сьвятога Яна адбылася каранацыя. Гэта была першая ад часоў Уладзіслава Лакетка каранацыя ў польскай гісторыі, што адбылася па-за межамі Кракава. У 1639 Цэцыліі Рэнаце было перададзенае ўва ўладаньне Бабруйскае староства, дзе ў 1643 яна заснавала горад Казімер.

Цэцылія Рэната была цяжарная тройчы. У 1640 яна нарадзіла сына Жыгімонта Казімера (памёр у веку сямі гадоў), 8 студзеня 1642 — дачку Марыю Ганну Ізабэлю (памерла 7 лютага таго ж году). Трэцяе ж дзіця нарадзілася мёртвым у 1644. Празь дня, 24 сакавіка 1644, ад заражэньня памерла й сама Цэцылія Рэната. Была пахаваная ў катэдры на Вавэлі ў Кракаве.

Папярэднік
Канстанцыя Габсбург
Польскія каралевы
1637-1644
Наступнік
Людвіка Марыя Ґанзаґа
Папярэднік
Канстанцыя Габсбург
Вялікія княгіні літоўскія
1637-1644
Наступнік
Людвіка Марыя Ґанзаґа

Вонкавыя спасылкі[рэдагаваць | рэдагаваць крыніцу]