Кракаў

Кракаў
Герб Кракава Сьцяг Кракава
Плошча:	326.8 км²
Насельніцтва:	757 500
Тэлефонны код:	+48 12
Геаграфічныя каардынаты:	50°03′41″ пн. ш. 19°56′18″ у. д.
Кракаў на мапе Польшчы Кракаў
Галерэя здымкаў у Wikimedia Commons

Кра́каў (па-польску: Kraków, па-нямецку: Krakau; поўная афіцыйная назва Каралеўскі сталічны горад Кракаў, па-польску: Królewskie Stołeczne Miasto Kraków) — горад у Польшчы, на левым беразе Віслы, якая становіцца адгэтуль суднаходнай і ў якую ўпадае ў гэтым месцы Рудава. 760 тысяч жыхароў (2004), з аглямэрацыяй 1,2 мільёна чалавек. Адміністратыўны цэнтар Малапольскага ваяводзтва.

Выдатныя мясьціны

Складаецца з унутранага горада і 7 прадмесьцяў. Разваліны крэпасьці XV стагодзьдзя; 39 касьцёлаў, шмат капліц, 25 манастыроў, 7 сынагог. Сабор XIV стагодзьдзя, пахавальня польскіх каралёў, япіскапаў і герояў (Вавель). Гатычны касьцёл сьвятой Марыі (ХIII стагодзьдзя); касьцёл сьвятой Ганны, з грабніцай Мікалая Каперніка. Велізарны замак XIII стагодзьдзя, рэзыдэнцыя польскіх каралёў; нацыянальны музэй з палотнамі Яна Матэйка, Генрыха Семірадскага і іншыя, ў пабудове ХIII стагодзьдзя; тэхнічна-прамысловы музэй, архіяпіскапскі дварэц. Будынак унівэрсытэту, дзе зьмяшчаецца і акадэмія навук. Ягелонская бібліятэка — каля 300.000 тамоў і 5.000 рукапісаў. Музэй Чартарыйскага (прадметы мастацтва). Кракаўскі унівэрсытэт, акадэмія навук, школа прыгожых мастацтваў, сэмінарыя, кансэрваторыя, прамысловыя і тэхнічныя вучылішчы і іншыя сярэднія вучэбныя ўстановы. Непадалёку пагорак у памяць Тадэвуша Касьцюшкі. З-за вялікай колькастці помнікаў даўніны, якімі багаты Кракаў, яго называюць польскімі Афінамі. Для патрыётаў у пэрыяд падзелу Польшчы (1795—1918) Кракаў, помнік велічы дзяржавы і гераічных учынкаў мінулага, быў, акрамя таго, «польскай Мекай», месцам паломніцтва.

Кракаў лічыцца культурнай сталіцай Польшчы.

Вядомыя асобы

• Тадэвуш Ісаковіч-Залескі — гісторык каталіцтва, ксёндз

Вонкавыя спасылкі

 Кракаў — сховішча мультымэдыйных матэрыялаў

• Афіцыйны сайт ^(пол.)