Познань

Зьвесткі зь Вікіпэдыі — вольнай энцыкляпэдыі.

Каардынаты: 52°17′34″ пн. ш. 16°44′08″ у. д. ^(G)(O)

Познань

Першыя згадкі

10 стагодзьдзе

Горад з

1253

Плошча

261,3 км²

Насельніцтва
- шчыльнасьць

578 900 (54% — кабеты)
2197 чал/км²

Тэлефонны код

+48 61

Аўтамабільны код

PO

Паштовы індэкс

60-001 — 61-890

Геаграфічныя каардынаты

52°17′34″ пн. ш. 16°44′08″ у. д. ^(G)

Мэр

Рышард Грабэльны

Месцазнаходжаньне Познані

Познань

Афіцыйны сайт

По́знань ці Пазна́нь (па-польску: Poznań, па-лацінску Posnania, па-нямецку Posen, ідыш פּױזן Poyzn, пры нагодзе ўжываецца назва Стольнае Места Познань) — адзін з найстарэйшых і найбуйнейшых польскіх гарадоў, разьмешчаны над ракой Вартай; сталіца Вялікапольшчы i вялікапольскага ваяводзтва. Пятае па колькасьці насельніцтва места ў Польшчы. Урадавы ворган — Рада Места Познані.

[рэдагаваць] Апісаньне горада

Познань гэта дынамічны гаспадарчы, акадэмічны, навуковы і культурніцкі асяродак. Дзякуючы выбітным эканамічным вынікам, імпэтнай гаспадарцы, і пастаянным Міжнародным Кірмашам у Познані горад гэты часта называюць гаспадарчай сталіцай Польшчы па інвэстыцыйнай прывабнасьці толькі нязначна саступаючы нашмат большай Варшаве. Познань ёсьць таксама вялікім цэнтрам прамысловасьці.

У Познані дзейнічае дзевяць дзяржаўных, вышэйшых школаў і колькінаццаць прыватных, адукуючых некалькі дзесяткаў тысяч студэнтаў. Яны працягваюць традыцыю такіх устаноў як Акадэмія Любраньскага, Езуіцкае Калегіюм ці Познаньскі Унівэрсытэт. У горадзе таксама дзейнічаюць шматлікія дасьледніцкія ўстановы. Усё гэта робіць Познань адным з найгалоўных польскіх акадэмічных асяродкаў.

Горад называюць таксама "музыкальнай сталіцай Польшчы" дзякуючы славутым хлапчуковым і мужчынскім хорам, арганізаваным кожныя 5 год скрыпічным і лютнавым конкурсам імя Генрыка Веняўскага, а таксама дзякуючы дзейнасьці камэральнага аркестра пад дырэкцыяй Агнешкі Дучмаль, опэры і Польскага Тэатра Танцу.

Раёны Познані

Познань гэта важны камунікацыйны вузел, роўна дарожны як і чыгуначны. Праз места прабягаюць краёвая шаша: аўтастрада A2, (E30) Бэрлін — Познань — Варшава — Менск — Масква,

DK 5 (E261) Сьвеце — Быдгашч — Познань — Ўроцлаў
DK 11 Калабжэг — Кашалін — Познань — Остраў — Кэмпна — Люблінец — Бытам

Езуіцкі Касьцёл

DK 92 (альтэрнатыўная да A2) Балевіцка — Пневы — Познань — Вжэсьня — Слупца — Конін.

У горадзе месьціцца таксама міжнароднае лётнішча Лавіца. У самым Познані кладзецца вялікі націск на разьвіцьцё публічнай камунікацыі.

Познань гэта горад на правах павету. Падзелены на 5 дзяльніц, якія ня маюць адміністрацыйнай самастойнасьці, але якія маюць частку гмінных устаноў (Старэ Мяста, Новэ Мяста, Ежыцэ, Грунвальд, Вільда). У кожную дзяльніцу ўваходзіць некалькі дзесяткаў самаўрадавых раёнаў, аднак яны не пакрываюць усёй плошчы места, а іхныя самаўрады спаўняюць адно дапаможную функцыю.
Места таксама цесна зьвязана з атачаючымі яго гмінамі, якія разам утвараюць Познаньскую аглямэрацыю. Цяперачы заўважаецца пераезд жыхароў з самога Познаня ў акалічныя мясцовасьці. Па за моцнымі эканамічнымі і камунікацыйнымі сувязямі аглямэрацыю сутварае таксама супольная інфраструктура н.п. вадацягнік.

Познаньскае старамесьце, усходняя частка, з правага боку відочная лоджыя ратуша i буднічыя домікі. У нізе відаць Вадаграй Празэрпіны.

[рэдагаваць] Гаспадарка

Каля горада прабягае аўтастрада A2, міжнародны шлях Бэрлін — Варшава — Менск — Масква.

Разьвітая электрамашынная прамысловасьць (мэталёвы, машынны, транспартных сродкаў, электронны і электратэхнічны), спажыўны, хімічны, адзежавы. Другі пасьля Варшавы асяродак банкаў і найбуйнейшы ў краіне кірмашны цэнтар.

[рэдагаваць] Геаграфічныя каардынаты

Даўжыня ў кілямэтрах:
- найшырэйшая (NW – SE) — 26 км
- найменшая (NE – SE) — 10,6 км

[рэдагаваць] Вышэйшыя ўстановы

Дзяржаўныя вышэйшыя ўстановы:

[рэдагаваць] Культура

З 2003 году дзейнічае Беларускі культурна-асьветніцкі цэнтар у Познані. Арганізацыя гэтая аб'ядноўвае выхадцаў з Беларусі і прыхільнікаў беларушчыны. БКАЦ рэгулярна ладзіць культурніцкія мерапрыемствы на якіх прэзэнтуе беларускую спадчыну і сучасныя здабыткі беларускае культуры.