Загрэб

Загрэб на мапе Харватыі

Загрэб

За́грэб (ці За́граб) (па-харвацку: Zagreb) — сталіца і найбуйнейшы па колькасьці жыхароў горад Харватыі.

Насельніцтва — 973,667 чалавек. Плошча — 641,355 км². Разьмяшчаецца ў падгор'і гары Мэдвэдніцы. Праз горад працякае рака Сава.

Гісторыя

Упершыню згадваецца ў пісьмовых крыніцах у 1094 годзе. Горад вырас з двух паселішчаў — Градэца і Каптола, якія ўтвараюць ядро сучаснага Загрэба — Стары горад. У Старым і Новым горадзе знаходзяцца архітэктурныя помнікі Сярэднявечча і барока.

• 1242. Заграб (у той час Градэц) Залатой булай вугорскага караля Бэлы IV становіцца вольным каралеўскім горадам.

• 1557. Першыя пісьмовыя згадкі пра Загрэб як пра галоўны горад Харватыі.

• 1669. Езуіты засноўваюць першую гімназію і акадэмію. Гэты год лічыцца годам заснаваньня Заграбскага ўнівэрсытэта.

• 1776. З Вараждына ў Заграб перанесенае Харвацкае каралеўскае веча.

• 25 чэрвеня 1991 г. Сабор Харвацкай Рэспублікі абвяшчае незалежнасьць Харватыі. Загрэб становіцца сталіцай Харватыі.

Вонкавыя спасылкі

 Загрэб — сховішча мультымэдыйных матэрыялаў

• Афіцыйная старонка Загрэба (па-харвацку і па-ангельску)