Тбілісі

Тбілісі
თბილისი
Герб Тбілісі
Першыя згадкі:	450
Плошча:	726 км²
Насельніцтва • колькасьць: • шчыльнасьць:	1 093 000 1505,5
Часавы пас: • летні час:	UTC+4 UTC+5
Геаграфічныя каардынаты:	41°43′ пн. ш. 44°47′ у. д.
Тбілісі на мапе Грузіі Тбілісі
www.tbilisi.gov.ge

Тбілі́сі (па-грузінску: თბილისი) — сталіца Грузіі.

Назва

Да 1936 году па-беларуску горад меў назву Тыфліс, а па-грузінску — тфілісі (па-грузінску: ტფილისი) — старагрузінская назва. Сваю назву ён атрымаў з-за цёплых серных крыніцаў (у перакладзе з грузінскай «тбілі» (г. зн. састарэлае «тфілі») значыць «цёплы»).

Прыродныя ўмовы

Тбілісі разьмешчаны ў Тбіліскай катлавіне, працягнуўшыся вузкай паласой амаль на 30 км у даліне ракі Куры і па прылеглых схілах гор. Клімат субтрапічны, з працяглым мяккім летам і цёплай зімой.

• Сярэднегадавая тэмпэратура — +12,9 C°
• Сярэднегадавая хуткасьць ветра — 1,5 м/з
• Сярэднегадавая вільготнасьць паветра — 67 %

Фаўна ваколіцаў гораду вельмі разнастайная, сустракаюцца такія жывёлы як лісіцы, паласатыя гіены, шакалы, ваўкі. Шмат гадаў і птушак. У рэгіёне з мэтай аховы прыродных комплексаў і захаваньня біяразнастайнасьці створаны Тбіліскі нацыянальны парк.

Насельніцтва, мова, веравызнаньне

Па дадзеных 1999, у горадзе пражываюць 1 млн 345 тыс. чалавек. Колькасьць насельніцтва стала расьце. Асноўнымі этнічнымі групамі зьяўляюцца грузіны — 72 %, армяне — 7 %, азэрбайджанцы — 7 %, расейцы — 5 %, асэтыны — 3 %, курды — 2 % і грэкі — 2 %. Афіцыйная мова грузінская, акрамя яе распаўсюджаныя расейская, армянская і азэрбайджанская. Каля 85 % вернікаў сталіцы прыналежаць да Грузінскай Праваслаўнай Царквы, галіны праваслаўнага хрысьціянства. У горадзе маецца таксама нязначная лічба каталікоў і мусульманаў.

Вонкавыя спасылкі

 Тбілісі — сховішча мультымэдыйных матэрыялаў

• Афіцыйны сайт^(груз.)