Гайдэльбэрскі ўнівэрсытэт

Гейдэльбергскі ўніверсітэт імя Рупрэхта і Карла
Ruprecht-Karls-Universität Heidelberg
Дэвіз	Semper Apertus Immer offen Кніга ведаў заўсёды адкрыта
Заснаваны	1386
Тып	Дзяржаўны
Рэктар	Бэрнхард Айтэль
Месцазнаходжаньне
Геаграфічныя каардынаты	49°24′37″ пн. ш. 8°42′23″ у. д.
Горад	Гайдэльбэрг
Вобласьць	Бадэн-Вюртэмбэрг
Краіна	Нямеччына
Гейдэльбергскі ўніверсітэт імя Рупрэхта і Карла на мапе Нямеччыны <div data-caption="Гейдэльбергскі ўніверсітэт імя Рупрэхта і Карла на мапе Нямеччыны"> Гейдэльбергскі ўніверсітэт імя Рупрэхта і Карла

Гайдэльбэрскі ўнівэрсытэт імя Рупрэхта і Карла (па-нямецку: Ruprecht-Karls-Universität Heidelberg) — найстарэйшы і адзін з найбольш прэстыжных унівэрсытэтаў на тэрыторыі сучаснай Нямеччыны. Заснаваны ў 1386 годзе.

Заснаваньне

Актавая заля ўнівэрсытэта

Ён быў заснаваны курфюрстам Рупрэхтам I з дазваленьня рымскага папы Урбана VI ў 1386 годзе, каб даць яго разрозьненым валадарствам, Пфальцу на Райне, цэнтру духоўнага жыцьця, прыцягнуць замежнікаў і выхоўваць царкоўных дзеячаў і дзяржаўных чыноўнікаў ва ўласнай краіне. Падаплёкай утварэньня ўнівэрсытэта стаў Вялікі заходні раскол каталіцкай царквы: выпускнікі Сарбоны, якія падпарадкоўваліся Авіньёнскаму папе Клімэнту VII, не маглі служыць у цэрквах Пфальца, што кіраваліся папам рымскім, таму ўзьнікла патрэбнасьць ва ўласнай тэалягічнай адукацыі. Першыя прафэсары ў Гайдэльбэрг прыехалі з Парыжа і Прагі. Рэктарам-заснавальнікам унівэрсытэта стаў Марсыліюс Інгенскі, прыхільнік наміналізму; наміналізм доўгі час выкладаўся ва ўнівэрсытэце ў выключным парадку.

На момант заснаваньне ён стаў чацьвёртым па старшынстве пасьля Балёнскага, Праскага і Венскага ўнівэрсытэтаў на тэрыторыі Сьвятой Рымскай імпэрыі і першым унівэрсытэтам на тэрыторыі сучаснай Нямеччыны.

Устаноўчыя граматы датаваныя 1 кастрычнікам 1386 г. 18 кастрычніка таго ж году адбылася царкоўная імша, якая адкрыла сьцены ўнівэрсытэта, а на наступны дзень пачаліся заняткі. У той жа дзень была атрыманая і срэбная ўнівэрсытэцкая пячатка, адбітак якой зьяўляецца лягатыпам унівэрсытэта.

Факультэты

• факультэт тэалёгіі (кірунак: тэалёгія эвангелізму),
• факультэт юрыспрудэнцыі,
• факультэт філязофіі,
• факультэт нэўрабіялёгіі,
• факультэт эканамічных і грамадзкіх навук,
• факультэт паводніцкіх навук і культуразнаўства,
• факультэт матэматыкі і інфарматыкі,
• факультэт фізыкі і астраноміі,
• факультэт хіміі і навук аб Зямлі,
• факультэт біялягічных навук
• факультэт мэдыцыны ў Гайдэльбэргу, а таксама
  • унівэрсытэцкая клініка
• факультэт мэдыцыны ў Мангайме, а таксама
  • унівэрсытэцкая клініка,
  • Цэнтральны інстытут псыхічнага здароўя,
  • Інстытут аховы здароўя, сацыяльнай і прафілактычнай мэдыцыны.

Вонкавыя спасылкі

 Гайдэльбэрскі ўнівэрсытэт — сховішча мультымэдыйных матэрыялаў

• Афіцыйны сайт