Каляніялізм

Працэс калянізацыі і дэкалянізацыі ў сьвеце.

Каляніялізм — сыстэма панаваньня групы прамыслова разьвітых краін (мэтраполіяў) над астатнім сьветам, існаваўшая ў розных краінах у XV—XX стагодзьдзях. Каляніяльная палітыка — гэта палітыка эксплёатацыі з дапамогай ваеннага, палітычнага і эканамічнага прымусу народаў, краін і тэрыторыяў пераважна з іншанацыянальным насельніцтвам, як правіла, эканамічна меней разьвітых.

Для зьяўленьня каляніялізму ў свой час існавалі розныя варункі:

• Атрыманьне прыбытку.
• Пашырэньне магутнасьці мэтраполіі.
• Ратунак ад перасьледу ў мэтраполіі.
• Схіленьне насельніцтва калёніяў ва ўласную рэлігію.

Некаторыя каляністы лічылі, што яны надаюць мясцоваму насельніцтву калёніяў дапамогу ў выглядзе хрысьціянскай веры і цывілізацыі. На самой справе ўвесь працэс калянізацыі ператвараўся ў пакарэньне народаў, перасяленьне іх у рэзэрвацыі ці генацыд.

Вонкавыя спасылкі

 Каляніялізм — сховішча мультымэдыйных матэрыялаў