Крылы Саветаў Самара

Крылы Саветаў
Поўная назва	ЗАО «Профессинальный футбольный клуб „Крылья Советов“»
Заснаваны	1942
Горад	Самара, Расея
Стадыён	Мэталюрг Умяшчальнасьць: 35 300
Галоўны трэнэр	Андрэй Кобелеў
Чэмпіянат	Расейская Прэм’ер-ліга
· 2011—2012	12 месца
Афіцыйны сайт

Крылы Саветаў (па-расейску: Крылья Советов) — расейскі футбольны клюб з гораду Самара. Заснаваны ў 1942 годзе. Бронзавы прызэр чэмпіянату Расеі 2004 году. Адзіны немаскоўскі клюб, які ўдзельнічаў ува ўсіх розыгрышах Вышэйшай лігі, як то ЦСКА, «Спартак», «Дынама» й «Лякаматыў». З улікам чэмпіянатаў СССР клюб больш за 45 сэзонаў правёў у элітных дывізіёнах расейскага футболу. Першая каманда, якая ў чэмпіянаце Расеі па футболе дасягнула мяжы ў 500 згуляных матчаў. Таксама «Крылы Саветаў» першым з расейскіх футбольных клюбаў дасягнуў адзнакі ў 600 згуляных матчаў у вышэйшым дывізіёне расейскіх першынстваў 1 жніўня 2011 году матчам на хатнім стадыёне супраць пермскага «Амкару».

Гісторыя

1942—1990

У пачатку 1942 году старшыня цэнтральнага камітэту прафзьвязу авіяцыйнай галіны Васэрман напісаў ліст наркаму авіяпрамысловасьці Шахурыну з просьбай арганізаваць перавод у Маскву 27 былых сталічных футбалістаў, якія апынуліся ў эвакуацыі ў Молатаве й Куйбышаве. 12 красавіка намесьнік наркама Дзяменцьеў вырашыў, што было за лепшае стварыць моцную футбольную каманду ў Куйбышаве й Молатаве, не выклікаючы ў Маскву лепшых.

Гэтак дзякуючы гэтаму лісту з працаўнікоў маскоўскіх «Завода імя Фрунзэ», «Авіяцыйнага завода № 1» імя Сталіна, варонескага «завода № 18 імя Варашылава», а таксама авіяцыйных прадпрыемстваў, эвакуяваных у Куйбышаў зь Менску й Данецку была заснавана каманда «Крылы Саветаў». Першы свой матч яна правяла ўжо 3 траўня 1942 году. 30 ліпеня 1944 году адбыўся дэбют «Крылаў Саветаў» у Кубку СССР. У матчы 1/16 фіналу «Крылы Саветаў» саступілі футбалістам маскоўскага «Лякаматыва» зь лікам 1:5.

Першую гульню на першынство СССР (2-я група) «Крылы Саветаў» правялі на куйбышаўскім стадыёне «Лякаматыў» 3 чэрвеня 1945 году супраць каманды «Тарпэда» (Горкі) і завяршылі яе ўнічыю зь лікам 1:1. Гол які стаў для «Крылаў Саветаў» першым у чэмпіянатах СССР забіў Пётар Бурмістраў. У другім матчы «Крылы Саветаў» дома атрымалі перамогу над ленінградзкім «Спартаком» 3:0, а затым перамаглі зь лікам 2:1 «Балтфлёт». Потым былі выязныя перамогі ў Новасыбірску, Чалябінску, Сьвярдлоўску й Молатаве. «Крылы Саветаў» выйшлі ў лідэры групы, а за адзін тур да заканчэньня чэмпіянату абыграўшы адэскі «Харчавік» 5:1, забясьпечылі сабе выхад у першую групу.

21 красавіка 1946 года ў Алма-Аце «Крылы Саветаў» правялі свой першы матч у вышэйшым дывізіёне СССР і саступілі ленінградзкаму «Зэніту» зь лікам 1:2.

1991—1998

Пасьля спыненьня існаваньня СССР «Крылы Саветаў» засталіся ў вышэйшай лізе. Самарскі клюб дэбютаваў у чэмпіянаце Расеі ў Маскве 29 сакавіка 1992 года ў матчы супраць сталічнага «Спартака» (0:5). Сваю першую перамогу ў чэмпіянаце Расеі «Крылы Саветаў» атрымалі 12 красавіка 1992 года ў хатнім матчы супраць пецярбурскага «Зэніту» зь лікам 1:0, гол забіў Аляксандар Цыганкоў. 7 верасьня 1992 году ў госьцевым матчы супраць стаўрапальскага «Дынама» «Крылы Саветаў» пацярпелі паразу зь лікам 0:2, але за ўдзел дыскваліфікаванага футбаліста ў складзе «Дынама» гаспадарам была залічана тэхнічная параза — 0:3. Гэтак была «здабыта» першая перамога «Крылаў Саветаў» на чужым полі.

Склад

Па стане на 1 красавіка 2013 году

№ Пазыцыя Імя Год нараджэньня 1 Бр Дзяніс Вавілін 1982 2 ПА Станіслаў Драгун 1988 4 Аб Іван Таранаў (капітан) 1986 5 Аб Аляксандар Амісулашвілі 1982 7 ПА Пётар Немаў 1983 8 Нап Сяргей Карніленка 1983 9 Нап Люіс Кабальлера 1990 11 ПА Раман Грыгаран 1982 13 Нап Шаміль Лахіялаў 1979 14 Нап Ігар Партнягін 1989 15 Аб Ібрагім Цалагаў 1990 16 Аб Бруна Тэлес 1990 18 Аб Дзьмітры Верхаўцоў 1986 19 Аб Бэнуа Ангбва 1982

№ Пазыцыя Імя Год нараджэньня 21 Аб Дзьмітры Голубеў 1992 22 Аб Рэжыналь Гаро 1987 23 ПА Яўген Баляйкін 1988 32 ПА Аляксандар Елісееў 1991 45 Аб Аляксей Канцэдалаў 1990 51 ПА Віктар Сьвяжоў 1991 63 Нап Арцём Дзелькін 1990 67 ПА Эмін Махмудаў 1992 78 Бр Аляксандар Макараў 1978 82 Бр Сяргей Верамко (капітан) 1982 83 Аб Стыў Жазэф-Рэнэт 1983 84 ПА Раман Вараб’ёў 1984 87 ПА Ільля Максімаў 1987

Вонкавыя спасылкі

• Афіцыйны сайт

 Крылы Саветаў Самара — сховішча мультымэдыйных матэрыялаў