Нарач

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Нарач (неадназначнасьць).

Возера

Нарач

Возера Нарач

Краіна	Беларусь
Плошча	79,6 км²
Плошча вадазбору	199 км²
Максымальная глыбіня	24,8 м
Сярэдняя глыбіня	8,9 м
Найбольшая даўжыня	13 км
Найбольшая шырыня	10 км
Даўжыня берагавой лініі	каля 41 км
Вышыня над узроўнем мора	165 м
Аб’ём вады	710 млн м³
Каардынаты	54°51′ пн. ш. 26°45′ у. д. / 54.85° пн. ш. 26.75° у. д. / 54.85; 26.75Каардынаты: 54°51′ пн. ш. 26°45′ у. д. / 54.85° пн. ш. 26.75° у. д. / 54.85; 26.75

Месцазнаходжаньне Нарачы

Нарач

На́рач — возера ў Беларусі, у Мядзельскім раёне Менскай вобласьці. Разьмешчанае ў басэйне ракі Нарач. Уваходзіць у Нарачанскую групу азёраў.

Нарач — самае вялікае возера ў Беларусі. Плошча — 79,6 км². Найбольшая глыбіня — 24,8 м. Даўжыня найбольшага папярэчніка — 12,8 км. Даўжыня берагавой лініі — 41 км. Аб'ём вады — 710 млн м³. Плошча вадазбору — 199 км². Нарач насяляе дваццаць два віды рыб, зь іх найбуйнейшы — шчупак.

Возера Нарач утварылася некалькі тысячагодзьдзяў таму, пры адступе ледніка. На шляху ледніка да поўначы паўстала Сьвянцянская града. Вада ад талага лёду ўтварыла вялізную водную прастору, зь якой пасьля, з паніжэньнем узроўня вады, вылучыліся азёры, якія ўтварылі Нарачанскую групу. Нарач — тыповы прадстаўнік прыроды поўначы Беларусі — Беларускага Паазер'я.