Гербы рэспублік СССР

Герб СССР

У гербах усіх рэспублік СССР прысутнічалі серп і молат, чырвоная зорка, якая сымбалізуе камунізм (на гербе РСФСР зорка зьявілася пазьней усіх, у 1980-х), узыходзячае сонца й каласы. Гэтыя элемэнты былі акружаныя прадуктамі сельскай гаспадаркі, якія вырабляліся ў кожнай рэспубліцы — бавоўна ў азіяцкіх рэспубліках, пшаніца на Украіне, вінаград — у Малдавіі. На ўсіх гербах быў напісаны лёзунг «Пралетары ўсіх краін, злучайцеся!» на афіцыйнай мове рэспублікі і на расейскай. Да моманту распаду СССР у 1991 гербы выглядалі наступным чынам:

Беларуская ССР	Украінская ССР	Расейская СФСР	Узбэцкая ССР
Казаская ССР	Грузінская ССР	Азэрбайджанская ССР	Летувіская ССР
Малдаўская ССР	Латвійская ССР	Кіргіская ССР	Таджыцкая ССР
Армянская ССР	Туркмэнская ССР	Эстонская ССР
Абхаская ССР (1921—1931)	Закаўкаская СФСР (1922—1936)	Карэла-Фінская ССР (1940—1956)

У цяперашні час некаторыя былыя рэспублікі й рэгіёны СССР выкарыстаюць першапачатковыя вэрсіі сваіх савецкіх гербаў: Беларусь (з 1995 году), Прыднястроўе, Таджыкістан, Узбэкістан.

Цікавыя факты

Паколькі Балтыйскае мора знаходзіцца да захаду ад Латвіі, намаляванае на яе гербе савецкага часу сонца можа быць прынята за заходзячае, а не ўзыходзячае.

У той жа час вядомы горад-курорт Юрмала разьмешчаны на паўднёвым узбярэжжы Рыскага заліву. У дадзеным месцы нябачны сэгмэнт сутачнай раўналежнікі Сонцу ўлетку знаходзіцца цалкам за марскім гарызонтам. Гэта значыць, Сонца як заходзіць у мора, так і ўзыходзіць — таксама з мора (варта адзначыць, што гэта можна назіраць і ў Юрмале, і ў сталіцы Латвіі — Рызе).

Нягледзячы на тое, што на гербе Армянскай ССР намаляваная гара Арарат, сама гара разьмешчаная на тэрыторыі Турцыі. Па гэтай падставе існуе байка:

Армянская ССР прымае першую канстытуцыю, якая ўключае і апісаньне гербу рэспублікі. Турцыя заяўляе рэзкі пратэст з нагоды гэтага: Армэнія ня мае праў адлюстроўваць на сваім дзяржаўным гербе тэрыторыю, не прыналежную ёй. Адказ савецкага боку: на турэцкім сьцягу намаляваны паўмесяц, але тэрыторыя Месяцу не прыналежыць Турцыі.

Толькі два гербу рэспублік мелі форму правільнага кругу: гэта гербы Грузіі й Армэніі. На іх, акрамя таго, чырвоная зорка знаходзіцца не ў самім верху герба.

Глядзіце таксама

• Сьцягі рэспублік СССР

Вонкавыя спасылкі

• Савецкая дзяржаўная сымболіка