Герб Нарвэгіі

Герб Нарвэгіі — адзін з найстарэйшых эўрапейскіх гербаў. Ён бярэ свой пачатак ад гербу каралеўскай сям’і. Сучасны варыянт афіцыйна дзейнічае з 20 траўня 1992 году.

Зьмест

1 Гісторыя
2 Каралеўскі герб
3 Галерэя
4 Вонкавыя спасылкі

[рэдагаваць] Гісторыя

Хаакан Стары выкарыстоўваў шчыт са львом. Раньнія зьвесткі аб яго колерах утрымоўваюцца ў Каралеўскай сазе, напісанай у 1220 годзе.

У 1280 кароль Эрык Магнусан дадаў карону і срэбную сякеру да выявы льва.

Дызайн гербу пасьлядоўна зьмяняўся на працягу доўгіх гадоў. У позьнім сярэднявеччы ручка сякеры паступова даўжэла, сякера стала падобная на алебарду. Ручка звычайна была выгнутая паводле формы шчыта або манэты. Афіцыйна алебарда была замененая сякерай указам караля ў 1844 годзе. У 1905 годзе выгляд гербу для караля і ўрада ізноў быў зьменены, вернуты сярэднявечны ўзор, з трохкутным шчытом і вэртыкальна пастаўленым львом. Адказным за гэту выяву быў мастак Эліф Пэтэрсан. Спрошчаны выгляд быў прадстаўлены ў 1937 і зьлёгку зьменены з дазволу караля 20 траўня 1992 году.

Шчыт заўсёды адлюстроўваюць увянчаны каралеўскай каронай. Аднак падчас Другой сусьветнай вайны Квісьлінг пастанавіў выкарыстоўваць герб без кароны як афіцыйны.

Каралеўскі герб

[рэдагаваць] Каралеўскі герб

На гербе каралеўскага дому леў выкарыстоўваецца з 1905 году. Вакол шчыта стужка ордэна Сьвятога Олафа. Шчыт усталяваны на каралеўскі гарнастаевы плашч і ўвянчаны нарвэскай каралеўскай каронай.

[рэдагаваць] Галерэя

Герб Хаакана V Нарвэскага (правіл у 1299 - 1319 гг).
Аб'яднаны герб Хаакана VI Нарвэскага як караля Швэцыі і Нарвэгіі, 1380 г, дасьпехі
Адна з пячатак Эрыка VII "з Памераніі", 1398. Герб Нарвэгіі ў цэнтры.
Sigilum secretum Крысьціяна I, 1457-1460. Герб Нарвэгіі ўнізе зьлева.
Пячатка Джона Дацкага (правіл 1481 – 1513). Герб Нарвэгіі ўверсе справа.
Пячатка Крысьціяна III (правіл 1534 - 1559). Герб Нарвэгіі ўверсе справа.
Герб Крысьціяна III на першай дацкай Бібліі, 1550.
Герб Фрыдрыха II. Гравіроўка Ёнса Бірхэрода, 1581.
Герб Ёхана дэр Юнзе, герцага Сэндэльборгскага 1580, у капліцы Замка Сэнэрборг, Данія.
Эрык XIV (кароль Швэцыі) дадаў Нарвэскі і Дацкі гербы на Швэдзкі дзяржаўны герб (дзьве ніжніх чвэрці).
Герб Фрыдэрыка II Дацкага, гравіроўка 1592 год.
Герб Фрыдрыха IV Дацкага і Нарвэскага, з Доўгай Залы замка Расэнборг. Герб Нарвэгіі ўверсе справа.
Герб гораду Крысьціянсанд з двуххвостым нарвэскім львом пад хвояй. Намаляваны на пячатцы ўведзенай у 1643 г.
Герб Нарвэгіі 1733 году
Герб на першым выпуску Адрэсэавісэн, 1767, які паказвае герб Нарвэгіі, Даніі і Кальмарскага зьвяза.
Герб з дзяржальні мяча афіцэра кавалерыі, 1780-я гг.
Герб з Царквы Трыніці, Капэнгаген. Герб Нарвэгіі ўверсе справа.
Герб Нарвэгіі ўхвалены 10 ліпеня 1844
Аб'яднаны герб Швэцыі і Нарвэгіі. Выкарыстоўваўся рэдка.
Аб'яднаны каралеўскі герб зьвяза Швэцыі і Нарвэгіі з 1844 па 1905.
Герб на першай нарвэскай паштовай марцы, 1855 г.
Штандар
Герб Нарвэгіі, які выкарыстоўваецца з 1905 году.
Малюнак каралеўскага гербу Эліфа Пэтэрсана, 1905 г.
Каралеўскі штандар прыняты ў 1905 г.
Эмблема Нарвэскага войска