Сэнт Джорджэс (Грэнада)

Сэнт Джорджэс
Першыя згадкі:	1650
Раён:	Сэнт Джордж
Насельніцтва:	7500
Геаграфічныя каардынаты:	12°3′ пн. ш. 61°45′ з. д.
Сэнт Джорджэс на мапе Грэнады Сэнт Джорджэс

Сэнт Джорджэс (па-ангельску: St. George's) — сталіца і самы вялікі горад Грэнады, разьмешчаны на высьпе Грэнада. Адначасова горад зьяўляецца сталіцай раёна Грэнады Сэнт Джордж. Колькасьць жыхароў налічвае каля 8 тысячаў чалавек. Горад разьмешчаны на схіле вулькана на узьбярэжжы ўтульнай затокі. Эканоміка гораду заснаваная на экспарце какавы, мускатнага арэха і маіса.

Горад быў заснаваны францускімі каляністамі ў 1650 годзе, потым зьяўляўся сталіцай брытанскай калёніі, якая ахоплівала прылягаючыя выспы. З 1974 году Сэнт Джорджэс стаў сталіцай незалежнай Грэнады.

У 2004 годзе Сэнт Джорджэс і ўся выспа Грэнада значна пацярпелі ад урагану Іван. Ураган зьнішчыў шмат пабудоваў гораду і прынёс значныя страты інфраструктуры ўсёй выспы. Па некаторых падліках ад урагану пацярпелі 90% збудаваньняў выспы, наступствы для грэнадзкай эканомікі былі жахлівымі. Праз год з дапамогай Канады, ЗША і Эўрапейскага Зьвязу большасьць наступстваў урагану было пераадолена.