Кіеўскі вітамінны завод
Каардынаты: 50°29′27″ пн. ш. 30°27′42″ у. д. / 50.49083° пн. ш. 30.46167° у. д.
| укр. «Київський вітамінний завод» | |
| Тып | акцыйнае таварыства |
|---|---|
| Дэвіз | Якасьць без кампрамісаў |
| Заснаваная | 5 сьнежня 1944 (79 гадоў таму) |
| Заснавальнікі | Міністэрства харчовай прамысловасьці Ўкраінскай ССР |
| Уласьнікі | кіпрскія холдынгі «Пінкрым» (28%), «Плэйсайд» і «Пэсцына» (па 24%), «Палмсайд» (23%)[1] |
| Краіна | Украіна |
| Разьмяшчэньне | Кіеў |
| Адрас | Падольскі раён, мікрараён Куранёўка, Капылоўская вул., д. 38[2] |
| Ключавыя фігуры | Уладзімер Цяляўскі (кіраўнік)[3] |
| Галіна | прамысловасьць |
| Прадукцыя | вітамін, лекі, харчовы дадатак |
| Абарачэньне |  3,037 млрд грыўняў (2021 год; 111,3 млн $)[1]
|
| Апэрацыйны прыбытак |  206,4 млн грыўняў (2021 год; 7,567 млн $)
|
| Чысты прыбытак | 168,2 млн грыўняў (2021 год; 6,168 млн $)
|
| Лік супрацоўнікаў | 922 (2022 год) |
| Аўдытар | «Арама» (2022 год)[4] |
«Кіеўскі вітамінны завод» — фармацэўтычнае прадпрыемства Ўкраіны, заснаванае ў сьнежні 1944 году ў якасьці «Кіеўскага вітамінна-сокавага заводу».
На 2023 год выпускаў звыш 100 лекаў і 20 харчовых дадаткаў[5]. Лекавыя рэчывы атрымлівалі ад пастаўнікоў з Паўднёва-Ўсходняй Азіі і краінаў Эўропы, у тым ліку з Брытаніі, Нямеччыны, Францыі, Чэхіі і Швайцарыі[6]. Меў уласную лябараторыю нагляду за якасьцю. Ва Ўкраіне працавала 24 абласныя прадстаўніцтвы. Яшчэ два прадстаўніцвы дзейнічалі за мяжой у Казахстане (Алматы) і Малдове (Кішынёў)[2]. Дадаткова лекі заводу мелі ўлік у яшчэ трох краінах Азіі — Кыргыстане, Таджыкістане і Ўзбэкістане, а таксама ў Латвіі і Марока[7].
Вырабы[рэдагаваць | рэдагаваць крыніцу]
На 2023 год «Кіеўскі вітамінны завод» вырабляў:
- 2 віды лекаў для крывяносных судзінаў — «Нормавен» і «Плестазол»[8];
- 34 найменьні вітамінаў — аскарбінавую кісьлю, аскарутын, біятын, рэтынол, такафэрол, холекальцыфэрол, полівітаміны «Аевіт», «Гексавіт», «Дэкамевіт», «Камплевіт», «Квадэвіт», «Рэвіт», «Супэрвіт», «Ундэвіт», «Ундэтаб» і «Юнівіт»[9];
- 4 найменьні супрацьвірусных лекаў — «Вірастат» і «Новірын»[10];
- 11 найменьняў лекаў для страўнікава-кішачнага тракта — «Арціхол», «Аспазьмін», «Афлетын», «Біянорм», «Маторыкс», «Мотапрыд», «Празафэст», «Рэммакс» і «Ўрсіс»[11];
- 28 найменьняў лекаў для сэрца — «Амідарон», «Амладыпін», «Атэракард», «Бэтакор» (бэтаксалол), «Бісапралол», «Ванлерк», «Іпамід», «Ірбэтан», «Карвэдылол», «Комбіпрыл», «Комбісарт», «Корвалмэнт», «Лівастор» (атарвастатын), «Лізапрэс», «Магнікор», «Нормапрэс», «Нэбівал», «Розістэр», «Рыбаксін», «Сарытмік» (саталол), «Сідакард», «Тарарэн», «Трыкард» (трымэтазідын), «Эдоксакорд» (эдоксабан), «Эпадол» і «Эплепрэс» (эплерэнон)[12];
- 12 найменьняў лекаў для абмену рэчываў — «Азвэстыў», «Альфа-ліпон», «Аміналон» (гама-амінамасьляная кісьля), «Глімепірыд», глютамінавую кісьлю, глюкозу, «Ёд-нарміл», «Мэтафору», «Мэтыянін», «Стыфімол» і фоліевую кісьлю[13];
- 15 лекаў для нэрваў — «Бэтагістын», «Віта-мэлатанін», «Гіяцынтыю», «Когнум», «Корвалкапс», «Магнікум-антыстрэс», «Мэмбрал», «Нэавітам», «Піклон», «Рэлаксіл», «Сонміл», «Стопмігрэн» (суматрыптан), «Цізалуд» (тызанідын) і «Цэрэглію» (гліятылін)[14];
- 10 лекаў для вачэй — «Візівіт», «Гілайс», «Дыюрэмід» (ацэтазоламід), «Дорзіцім», «Оптыкс», «Тобіфлямін» і «Травінол»[15];
- 3 найменьні лекаў ад паразытаў — «Альдазол» (альбэндазол), «Орнідазол» і «Тэрбінафін»[16];
- 2 найменьні дзіцячых лекаў — «Імунаплюс» і «Фарынгтон» (хлёргексідын)[17];
- псыхіятрычны лек «Дыфенін» ад эпілепсіі[18];
- 4 найменьні лекаў для злучальнай тканкі — «Алапурынол», «Мэлаксікам», «Подафэб» і «Флекцэрын»[19];
- 2 лекі ад жаночых хваробаў — «Магнікум» і «Фэміклін» (дэквалін)[20];
- 5 лекаў ад мужчынскіх хваробаў — «Аваналаў», «Адэнорм», «Дустарын», «Нігісем» і «Сібуцін»[21].
Гісторыя[рэдагаваць | рэдагаваць крыніцу]
5 сьнежня 1944 году Міністэрства харчовай прамысловасьці Ўкраінскай ССР выдала Загад № 375, паводле якога пачаў дзейнічаць «Кіеўскі вітамінна-сокавы завод». Яго падпарадкавалі трэсту «Укрвітамінпрам». Ад пачатку выпускалі вітаміны А (рэтынол), Б1 (тыямін), Б2 (рыбафлямін), Ц (аскарбінавая кісьля) і Д2 (эргакальцыфэрол) у выглядзе дражэ. У 1954 годзе прадпрыемства перайменавалі ў «Кіеўскі вітамінны завод». На ім асвоілі вытворчасьць сынтэтычнага вітаміну Д3 (холекальцыфэрол) у выглядзе алейнага канцэнтрату для жывёлагадоўлі. Прадпрыемства падпарадкавалі Галоўнай управе кансэрвавай прамысловасьці Міністэрства прамысловасьці харчовых тавараў УССР. У 1958 годзе наладзілі вытворчасьць сынтэтычнага вітаміну Е (такафэрол), якая стала першай у Савецкім Саюзе. У 1964 годзе асвоілі вытворчасьць сухога прэпарату «Відэін Д3» для вэтэрынарыі. У 1976 годзе завод улучылі ў створанае Кіеўскае вытворчае хіміка-фармацэўтычнае аб’яднаньне «Дарніца». У 1978-м пачалі выпуск таблетак аскарбінавай кісьлі[22].
У 1994 годзе «Кіеўскі вітамінны завод» пераўтварылі ў закрытае акцыйнае таварыства. У 1999 годзе запусьцілі ўчастак цьвёрдых жэлатынавых капсулаў і хуткараспушчальных (шыпучых) таблетак. Пры гэтым стварылі анатітычную лябараторыю нагляду за якасьцю лекаў на ўзроўні міжнародных патрабаваньняў. У 2002 годзе адчынілі ўчастак мяккіх жэлатынавых капсулаў. У 2006 годзе запусьцілі ўчастак пакрыцьця таблетак абалонкай і стварылі лябараторыю мікрабіялягічнага нагляду. Харчовыя дадаткі заводу атрымалі ад Латвійскага цэнтру сэртыфікацыі пасьведчаньне адпаведнасьці Правілам аб гігіене харчовых прадуктаў паводле Пастановы Эўрапейскага Парлямэнту ад 29 красавіка 2004 году № 852[22]. У 2006 годзе каля 90 % вытворчасьці прыпадала на вітаміны. За 2005—2011 гады распрацавалі і пачалі вытворчасьць звыш 50 лекаў ад хваробаў сэрца і нэрваў, плоцевых органаў і страўніка, вачэй і крывяносных судзінаў. Наладзілі замежныя пастаўкі ў Казахстан, Таджыкістан і Малдову[23].
1 студзеня 2008 году прадпрымства пераўтварылі ў адкрытае акцыйнае таварыства[22]. У 2011 годзе «Кіеўскі вітамінны завод» адкрыў сваё першае замежнае прадстаўніцтва. Яго разьмясьцілі ў Беларусі па праспэкце Дзяржынскага, д. 104 у Менску. Дагэтуль вітаміны і вэтэрынарныя прэпараты, лекі і харчовыя дадаткі прадавалі праз распаўсюднікаў[24]. У 2018 годзе запусьцілі вытворчасьць вочных кропляў і сыропаў[22]. На 2020 год уласьнікам 4-х холдынгаў, якім належаў завод і якія месьціліся па адным адрасе ў Нікасіі (Кіпр)[25], быў канадзскі грамадзянін Мартын Максім[26]. На канец 2021 году сярод 922 супрацоўнікаў 48 % (445) прыпадала на вытворчы пэрсанал, 39 % (363) — на аддзел збыту і 10 % (96) — на кіраўніцтва[1]. У студзені 2023 году Менскі гарадзкі выканаўчы камітэт прыняў заяву аб закрыцьці прадстаўніцтва ад кіраўніцтва «Кіеўскага вітаміннага заводу»[24].
Крыніцы[рэдагаваць | рэдагаваць крыніцу]
- ^ а б в Уладзімер Цяляўскі, Тацяна Паўленка. Фінансавая справаздачнасьць згодна МСФС за 2021 год (укр.) // АТ «Кіеўскі вітамінны завод», 29 чэрвеня 2022 г. Праверана 21 сакавіка 2023 г.
- ^ а б Кантакты (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Прывітаньне (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Віктар Лех. Справаздача незалежнага аўдытара датычна фінансавай справаздачнасьці за 2021 год (укр.) // АТ «Кіеўскі вітамінны завод», 30 чэрвеня 2022 г. Праверана 21 сакавіка 2023 г.
- ^ Аб прадпрыемстве (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Вытворчасьць і якасьць (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Экспарт (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Ангіялёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Вітаміны (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Супрацьвірусныя прэпараты (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Гастраэнэралёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Кардыялёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Мэтабалічныя прэпараты (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Нэўралёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Афтальмалёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Паразыталёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Пэдыятрыя (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ «Дыфенін» (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Рэўматалёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Гінэкалёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Уралёгія (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ а б в г Гісторыя (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ Вырабы (укр.) // АТ «Кіеўскі вітамінны завод», 2023 г. Праверана 21 сакавіка 2023 г.
- ^ а б Яшчэ дзьве ўкраінскія кампаніі закрылі прадстаўніцтвы ў Беларусі // Партал «Наша ніва», 12 лютага 2023 г. Праверана 21 сакавіка 2023 г.
- ^ Уладзімер Цяляўскі. Гадавая інфармацыя эмітэнта каштоўных папераў за 2021 год (укр.) // АТ «Кіеўскі вітамінны завод», 30 чэрвеня 2021 г. Праверана 21 сакавіка 2023 г.
- ^ Уладзімер Цяляўскі. Паведамленьне (пра зьмяненьне памеру пакета акцыяў акцыянэраў, холдынг «Пінкрым») (укр.) // АТ «Кіеўскі вітамінны завод», 28 ліпеня 2020 г. Праверана 21 сакавіка 2023 г.
 |
Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго. |