Анры Матыс

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Анры Матыс
Анры Матыс, 22 траўня 1933
Анры Матыс, 22 траўня 1933
Нарадзіўся: 31 сьнежня 1869
Ле-Като-Камбрэзі, Францыя
Памёр: 3 лістапада 1954
Ніцца, Францыя
Нацыянальнасьць: француз
Грамадзянства: Францыя
Заняткі: жывапіс, малюнак, скульптура, гравюра
Плынь: фавізм, мадэрнізм
Працы: Жанчына ў Капелюшы (Мадам Матыс) (1905)

Анры́ Маты́с (франц. Henri Matisse; 31 сьнежня 1869, Ле-Като-Камбрэзі, дэпартамэнт Нор — 3 лістапада 1954, Ніцца) — францускі мастак і скульптар, які лічыцца адным з самых вядомых фавістаў.

Вырас у Пікардыі. Першапачаткова Матыс займаўся правам, але ўжо ў дваццацічатырохгадовым узросьце паступіў у парыскую школу мастацтва. Вучыўся ў Гюстава Маро і спачатку пісаў карціны пад уплывам імпрэсіяністаў і японскай культуры. У 1905 годзе Матыс упершыню выставіў свае працы ў «Асеньнім салёне». Дзьве зімы (1912 і 1913 г.г.), мастак правёў у Марока, дзе на яго творчасьць паўплывала ісламскае мастацтва. Хутка ён знайшоў уласны стыль. Сусьветную вядомасьць Матыс атрымаў ужо пасьля сваёй сьмерці.

Акрамя карцінаў, вядомы яго выдатныя малюнкі, гравюры, скульптуры, малюнкі для тканіны. Адной зь вядомейшых працаў мастака сталі вітражы дамініканскай Капэлы Ружанцоў у Вансе (1951).

Пасьля анкалягічнай апэрацыі (1941) Матыс страціў мажлівасьць хадзіць і перамяшчаўся выключна ў інвалідным крэсьле, а замест маляваньня, пачаў займацца пераважна папяровымі калажамі.

Анры Матыс захапляўся творчасьцю Пабла Пікаса, зазнаў уплыў Поля Сэзана, Гагена, Вінцэнта ван Гога, Поля Сыньяка ды шэрагу іншых.

Вонкавыя спасылкі[рэдагаваць | рэдагаваць крыніцу]

Commons-logo.svg  Анры Матыссховішча мультымэдыйных матэрыялаў