Жэрэмі Мэнэз

Зьвесткі зь Вікіпэдыі — вольнай энцыкляпэдыі
Жэрэмі Мэнэз
Пэрсанальная інфармацыя
Нарадзіўся 7 траўня 1987(1987-05-07)[1][2][3] (36 гадоў)
Рост 183 см[4]
Вага 77 кг[4]
Пазыцыя флянгавы паўабаронца
Клюбная інфармацыя
Клюб Бары
Нумар 7
Клюбы
Гады Клюб Гульні (галы)¹
2004—2006
2006—2008
2008—2011
2011—2014
2014—2016
2016—2017
2017—2018
2018—2019
2019—2020
2020—2023
2023—
Сашо
Манака
Рома
Пары Сэн-Жэрмэн
Мілян
Бардо
Антальяспор
Амэрыка
Парыж
Рэджына
Бары
55 (7)
57 (14)
84 (7)
79 (14)
43 (18)
26 (3)
7 (0)
18 (5)
17 (4)
67 (13)
10 (0)
Зборныя
2010—2013 Францыя 24 (2)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
27 лютага 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
26 сакавіка 2013.

Жэрэмі Мэнэз (па-француску: Jérémy Ménez; нарадзіўся 7 траўня 1987 году, Лянжумо, Францыя) — францускі футбаліст, гулец італьянскага клюбу «Бары». Раней выступаў за нацыянальную зборную Францыі. Нападнік, таксама можа гуляць на пазыцыі паўабаронцы.

Кар’ера[рэдагаваць | рэдагаваць крыніцу]

«Сашо»[рэдагаваць | рэдагаваць крыніцу]

Мэнэз пачынаў сваю кар’еру ў «Сашо». Першы кантракт з клюбам ён падпісаў у 16 гадоў. Дэбютаваў у Лізе 1 27 жніўня 2004 году, у матчы супраць «Аячча».

22 студзеня 2006 году Мэнэз заявіў пра сябе ў поўны голас, зрабіўшы хет-трык у матчы з «Бардо», стаўшы самым юным аўтарам хет-трыку за ўсю гісторыю францускай лігі. Неўзабаве ён быў прызнаны лепшым гульцом месяца. Дзякуючы выдатнай тэхніцы, маладога гульца параўноўвалі з Зыданам.

«Манака»[рэдагаваць | рэдагаваць крыніцу]

Сэзон 2006—2007 гадоў Мэнэз пачынаў ужо ў складзе «Манака». Кіраўніцтва «манэгаскаў» бачыла ў ім «новага» Людавіка Жулі. У гэтым жа годзе Мэнэз выклікаўся ў зборную Францыі й дэбютаваў у ейным складзе ў матчы супраць зборнай Шатляндыі. Неўзабаве гульцом зацікавіўся мілянскі «Інтэр», але клюбы не сышліся ў кошце гульца.

«Рома»[рэдагаваць | рэдагаваць крыніцу]

У канцы жніўня 2008 году Мэнэз перайшоў у «Рому». Свой першы гол за «Рому» Жэрэмі забіў 6 сьнежня 2008 году ў матчы супраць «К’ева».

«Пары Сэн-Жэрмэн»[рэдагаваць | рэдагаваць крыніцу]

25 ліпеня 2011 году падпісаў кантракт з клюбам «Пары Сэн-Жэрмэн» тэрмінам на 3 гады[5][6]. 6 жніўня 2011 году Мэнэз дэбютаваў за парыскі клюб у першым туры чэмпіянату, дзе псж трывала хатнюю паразу зь лікам 0:1 ад «Ляр’ену». На наступны тыдень Жэрэмі асыставаў Кевіну Гамэйро, які адкрыў лік у матчы супраць «Рэну» (1:1). 18 жніўня 2011 году француз узяў удзел у матчы Лігі Эўропы супраць люксэмбурскага клюбу «Дыфэрданж», дзе гулец забіў апошні гол каманды, якая перамагла зь лікам 4:0. Праз тры дні Жэрэмі зноўку асыставаў Гамэйро, а ПСЖ атрымаў перамогу ў гасьцёх зь лікам 2:1 у матчы супраць «Валянсьену». Першы гол у чэмпіянаце за ПСЖ забіў 28 жніўня 2011 году ў матчы трэцяга тура супраць «Тулюзы».

Пад кіраўніцтвам Антуана Камбуарэ і Карлё Анчэлёцьці Мэнэз быў гульцом асноўнага складу клюбу, рэгулярна ўдзельнічаючы ў матчах каманды. Аднак з сэзону 2012—2013 гадоў нападнік пачаў страчваць месца ў складзе, усё радзей зьяўляючыся на пляцоўцы.

«Мілян»[рэдагаваць | рэдагаваць крыніцу]

11 чэрвеня 2014 году гулец перайшоў у італьянскі клюб «Мілян», зь якім падпісаў 3-гадовы кантракт.

Міжнародная кар’ера[рэдагаваць | рэдагаваць крыніцу]

У 2010 годзе з прычыны дыскваліфікацыі некаторых гульцоў асновы дарослай зборнай быў выкліканы на матч з камандай Нарвэгіі, у той жа гульні ён дэбютаваў у складзе «трохкаляровых».

Дасягненьні[рэдагаваць | рэдагаваць крыніцу]

«Пары Сэн-Жэрмэн»:

«Амэрыка»:

Крыніцы[рэдагаваць | рэдагаваць крыніцу]

  1. ^ а б в Jérémy Ménez // Transfermarkt (мн.) — 2000.
  2. ^ а б в JEREMY MENEZ // Argentine Soccer Database (гішп.)
  3. ^ а б в Jérémy Menez // As (гішп.)Madrid: Grupo Prisa, 1967.
  4. ^ а б в г https://www.clubamerica.com.mx/jugador/jeremy-menez/
  5. ^ ПСЖ объявил о приобретении Менеза и Матуиди. championat.com
  6. ^ Matuidi et Menez s’engagent avec le PSG. Site officiel du Paris Saint-Germain

Вонкавыя спасылкі[рэдагаваць | рэдагаваць крыніцу]