Android
| Android | |
 |
|
| Распрацоўнік | Гугл (г. Маўнтын-Вію, штат Каліфорнія, ЗША) |
|---|---|
| Сямейства АС | Лінукс |
| Першы выпуск | 20 верасьня 2008 (4 гады таму) |
| Апошні стабільны рэліз | (10 ліпеня 2012 г.) |
| Мовы | 30, у тым ліку ўсіх суседніх з Беларусьсю дзяржаваў |
| Тып ядра | Маналітнае (Ядро Лінукс) |
| Стандартны інтэрфэйс | Графічны |
| Ліцэнзія | Апачы |
| Сайт | www.android.com |
Android — апэрацыйная сыстэма, пабудаваная на ядры Linux. Першапачаткова была разробленая кампаніяй Android Inc., але пазьней купленая Google Inc.. Сыстэма дазваляе распрацоўшчыкам рабіць праграмы, напісаныя на Java, кіруючы прыладай-гостэрам праз адмысловыя ўбудаваныя бібліятэкі.[1] Існуе саматужны пераклад інтэрфэйса на беларускую[2].
Першая дыстрыбуцыя Android была апублікаваная 5 лістапада 2007 году адначасова з утварэньнем Open Handset Alliance, кансорцыюму 52[3] вытворцацў апаратнага і праграмнага забесьпячэньня, кампаніяў тэлеком-сэктару, які абвясьціў сваёй мэтай удасканаліць адкрытыя стандарты для мабільных прыладаў. Большасьць коду Android распаўсюджваецца Google на ўмовах вольнае ліцэнзіі Apache License з адкрытым выточным кодам.
Зьмест |
Гісторыя [рэдагаваць]
Набыцьцё Google [рэдагаваць]
У ліпені 2005 году Google набыла невялікі стартап Android, Inc., разьмешчаны ў Пала-Альта, Каліфорнія, ЗША.[4] Сузаснавальнікі Android перайшлі на працу ў Google, некаторымі зь якіх былі Эндзі Рубін (сузаснавальнік Danger)[5] і Рыч Майнэр (сузаснавальнік Wildfire Communications, Inc.)[6]. У той час было вядома няшмат пра распрацоўкі Android, Inc., акрамя таго, што гэта было праграмнае забесьпячэньне для мабільных тэлефонаў.[4] Гэта стала падставай для зьяўленьня чутак пра жаданьне Google заняць месца на рынку мабільных тэлефонаў.
Open Handset Alliance [рэдагаваць]
- Асноўны артыкул: Open Handset Alliance
5 лістапада 2007 году быў заснаваны кансорцыюм з мэтай распрацоўкі адкрытых стандартаў у галіне мабільнай тэлефаніі, у які першапачаткова ўвайшлі Texas Instruments, Broadcom Corporation, Google, HTC, Intel, LG, Marvell Technology Group, Motorola, Nvidia, Qualcomm, Samsung Electronics, Sprint Nextel і T-Mobile.[7] Разам з аб’яўленьнем пра заснаваньне OHA было аб’яўлена і пра першы прадукт — Android — мабільную плятформу на аснове Linux галіны 2.6.[7]
9 сьнежня 2008 было аб’яўлена пра далучэньне 14 новых чальцоў да праекту Android, у складзе якіх былі PacketVideo, ARM Holdings, Atheros Communications, Asustek Computer Inc, Garmin Ltd, Softbank, Sony Ericsson, Toshiba Corp і Vodafone Group Plc.[8][9]
Ліцэнзаваньне [рэдагаваць]
21 кастрычніка 2008 году Android быў ліцэнзаваны вольнай ліцэнзіяй ПЗ з адкрытым крынічным кодам. Google выклала ў сьвет усе крынічныя коды (у тым ліку сеткавы стэк і стэк тэлефаніі)[10] пад ліцэнзіяй Apache License.[11]
Згодна ліцэнзіі Apache License вытворцы мабільных тэлефонаў могуць дадаваць прапрыетарныя бібліятэкі і дастасаваньні, не аддаючы іх супольнасьці.
Апаратнае забесьпячэньне [рэдагаваць]
- Асноўны артыкул: Сьпіс прыладаў з Android
Першым тэлефонам з Android у якасьці апэрацыйнае сыстэмы стаў HTC Dream, які зьяўвіўся 22 кастрычніка 2008 году.[12]
Крыніцы [рэдагаваць]
- ^ Google’s Android parts ways with Java industry group // CNET News (анг.)
- ^ Алесь Булойчык (17 сакавіка 2012) Андроід па-беларуску Гульня. Гугл. Праверана 29 траўня 2012 г.
- ^ OHA Members (анг.)
- ^ а б Google Buys Android for Its Mobile Arsenal, BusinessWeek (анг.)
- ^ I, Robot: The Man Behind the Google Phone, The New York Times (анг.)
- ^ Introducing the Google Phone, The Boston Globe (анг.)
- ^ а б Industry Leaders Announce Open Platform for Mobile Devices (прэс-рэліз) (анг.)
- ^ More mobile phone makers back Google's Android, Reuters (анг.)
- ^ Google's Android Gains More Powerful Followers, BusinessWeek (анг.)
- ^ Google Open-Sources Android on Eve of G1 Launch, eWeek.com (анг.)
- ^ Android is now available as open source, Android Open Source Project (анг.)
- ^ T-Mobile Unveils the T-Mobile G1 — the First Phone Powered by Android // HTC (анг.)
Вонкавыя спасылкі [рэдагаваць]
 |
Гэта — накід артыкула пра кампутары. Вы можаце дапамагчы Вікіпэдыі, пашырыўшы яго. |
Android — сховішча мультымэдыйных матэрыялаў
