Антоні Вільгельм Радзівіл

Антоні Вільгельм Радзівіл
Антоні Фрыдэрык Вільгельм Радзівіл
Антоні Вільгельм Радзівіл
Герб «Трубы»
Асабістыя зьвесткі
Нарадзіўся:	31 ліпеня 1833 Цепліцы, Чэхія
Памёр:	16 сьнежня 1904 Бэрлін, Нямеччына
Род:	Радзівілы
Бацькі:	Фрыдэрык Вільгельм Радзівіл Матыльда фон Клары-Альдрынген
Жонка:	Марыя Дарота Радзівіл
Дзеці:	Юры Фрыдэрык, Альжбета, Алена, Станіслаў Вільгельм

Антоні Вільгельм Радзівіл — вайсковы дзяяч Прусіі. Генэрал артылерыі (1889), XIV ардынат на Нясьвіжы, XI ардынат на Клецку.

Валодаў вялізнымі зямельнымі ўладаньнямі ў Прусіі, а таксама Нясьвіскай, Клецкай, Давыд-Гарадоцкай ардынацыямі на Беларусі, Алыцкай ардынацыяй на Ўкраіне.

Біяграфія

Зь нясьвіскай лініі роду Радзівілаў гербу «Трубы», сын Фрыдэрыка Вільгельма і Матыльды фон Клары-Альдрынген.

3 1852 року на вайсковай службе ў Прусіі. У 1858—1861 роках навучаўся ў агульнай школе пры Вайсковай акадэміі ў Бэрліне. Удзельнічаў у войнах з Аўстрыяй (1866) і Францыяй (1870—1771). Быў ад’ютантам Вільгельма I, Фрыдрыха III і Вільгельма II.

У шлюбе з Марыяй Даротай дэ Кастэлян меў сыноў Юрыя Фрыдэрыка і Станіслава Вільгельма; дачок Альжбету і Алену.

Жонка А. В. Радзівіла выступіла ініцыятарам адраджэньня Нясьвіскага замка, стварыла побач зь ім паркавы комплекс, сабрала ў замку значную бібліятэку.

Літаратура

• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. — 591 с.: іл. ISBN 985-11-0214-8.
• К. Я. Шышыгіна-Патоцкая. Нясвіж і Радзівілы. Мн.: Беларусь, 2007. — 240 с.: іл. ІSBN 978-985-01-0740-4.

Вонкавыя спасылкі

• Antoni Fryderyk Wilhelm ks. Radziwiłł na Nieświeżu h. Trąby. Marek Jerzy Minakowski, Genealogia Potomków Sejmu Wielkiego.