Беларуская сацыял-дэмакратычная партыя (Грамада)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Беларуская сацыял-дэмакратычныя партыя (Грамада)
Лідэр партыі Ірына Вештард
Дата заснаваньня 1996
Штаб-кватэра

Берасьце, вул. 17 Верасня, 22-24; 8 (0162) 22-06-03

[1]
Саюзьнікі і блёкі АДС
Ідэалёгія сацыял-дэмакратыя
Колькасьць 4723[2]
Афіцыйны сайт bsdp.org

Беларуская сацыял-дэмакратычная партыя (Грамада) была створана пасьля расколу ў БСДП (НГ) пасьля таго, як урад Рэспублікі Беларусь прызнаў, што перавыбары Мікалая Статкевіча як старшыні партыі прайшлі з парушэньнямі. Тады частка сяброў забароненай партыі ўтварыла БСДП (Г), якая атрымала рэгістрацыю. БСДП (Г) пачала актыўную дзейнасьць на палітычным полі. Лідэрам партыі стаў Аляксандар Казулін. На парлямэнцкіх выбарах у Беларусі 13—17 кастрычніка 2004 году, партыя не атрымала месцаў у парлямэнце. Партыя высунула свайго кандыдата на прэзыдэнцкіх выбарах у Беларусі ў 2006 годзе. Казулін набраў менш за тры адсоткі галасоў.

На тэхнічным зьезьдзе 3 жніўня 2008 году адбылася зьмена кіраўніцтва партыі, новым кіраўніком стаў былы выканаўца абавязкаў старшыні Анатоль Ляўковіч.[3]

Кіруючы орган — Цэнтральны Камітэт.

Праграмныя патрабаваньні[рэдагаваць | рэдагаваць крыніцу]

Пабудова салідарнага грамадзтва: незалежнай на прынцыпах свабоды, роўнасьці, сацыяльнай справядлівасьці, дэмакратыі і прыярытэту права; пабудова незалежнай дэмакратычнай прававой і сацыяльнай Беларускай дзяржавы - раўнапраўнага суб'екта эўрапейскай і сусьветнай супольнасьці.[4]

Гісторыя[рэдагаваць | рэдагаваць крыніцу]

2 сакавіка 1991 году была створаная Беларуская сацыял-дэмакратычны Грамада. Старшынём партыі абраны Міхась Ткачоў. У кіраўніцтва БСДГ увайшлі Алег Трусаў (пасьля сьмерці М. Ткачова ён узначаліў партыю), Анатоль Гурыновіч, Мікалай Статкевіч, Віталь Малашка.

У 1995 годзе пры ўдзеле Партыі Народнай Згоды быў створаны Сацыял-дэмакратычны Саюз (СДС). Да аб’яднальнага працэсу падлучылася група беспартыйных дзеячаў, у прыватнасьці Старшыня Вярхоўнай Рады Беларусі ХІІ скліканьня Мячыслаў Грыб. 29 чэрвеня 1996 году прайшлі пазачарговыя зьезды БСДГ і ПНЗ, якія прынялі рашэньне аб зьліцьці ў адну Беларускую сацыял-дэмакратычную партыю (Народны Грамада). У той жа дзень мінуў Устаноўчы зьезд БСДП.

У БСДП не ўвайшлі прапрэзыдэнцкія чальцы ПНЗ, а таксама прыхільнікі лібэралізму, у тым ліку А. Трусаў, Г. Карпенка, В. Ганчар. У самой жа БСДП (НГ) не спыняліся спрэчкі і унутрапартыйная барацьба. У 2001 годзе па гэтых чыньніках партыю пакінула амаль палова яе чальцоў, у тым ліку М. Грыб, А. Кароль, Л. Лойка, А. Сідарэвіч, М. Чарняўскі.

29 студзеня 1997 году партыя была зарэгістраваная. 9 верасьня 1999 году партыя была перарэгістраваная.

Улетку 2004 году пачаўся другі крызіс у партыі, які завяршыўся ў сьнежні. У студзені 2005 году мінуў IX зьезд БСДП. Старшынём партыі быў абраны Анатоль Ляўковіч. Пачаўся працэс вяртаньня ў партыю яе ранейшых чальцоў. 24 чэрвеня 2005 году БСДП была перарэгістраваная як Беларуская сацыял-дэмакратычная партыя (Грамада). 24 ліпеня 2005 году на X пазачарговым зьезьдзе яе новым лідэрам абраны Аляксандар Казулін, былы рэктар БДУ і міністар.

3 жніўня 2008 году на пазачарговым зьезьдзе БСДП (Г) па патрабаваньні дэлегатаў зьезду былі праведзеныя выбары кіраўніцтва партыі. Па іх выніках Анатоль Ляўковіч, які выконваў абавязкі старшыні партыі ў сувязі з тым, што Аляксандар Казулін у гэты час адбываў тэрмін у калёніі, быў абраны старшынём[5].

21 сьнежня 2008 году экс-кандыдат у прэзыдэнты Аляксандар Казулін выйшаў зь Беларускай сацыял-дэмакратычнай партыі (Грамада). Сваё рашэньне ганаровы старшыня партыі агучыў на паседжаньні Цэнтральнага камітэту БСДП (Грамада).

10 кастрычнiка 2010 старшынём партыі абраны Анатоль Сідарэвіч, але з'езд не прызнала Міністэрства юстыцый і некалькі сябраў арганізацыі. Гэтыя падзеі вынясуць унутрыпартыйны канфлікт на публіку [6].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]