Міхалова (гміна)

Зьвесткі зь Вікіпэдыі — вольнай энцыкляпэдыі
(Перанакіравана з «Гміна Міхалова»)
Гміна Міхалова
Gmina Michałowo
Агульныя зьвесткі
Краіна Польшча
Ваяводзтва Падляскае
Павет Беластоцкі
Статус вяскова-гарадзкая гміна
Сядзіба Міхалова
Дата ўтварэньня 1868 (Міхалоўская воласьць), 1918 (гміна Міхалова)
Бурмістар Міхалова Уладзімер Кананчук
Афіцыйныя мовы польская
Мовы ва ўжытку польская, беларуская
Насельніцтва (2013) 6058[1]
Шчыльнасьць 14,80 чал./км²
Нацыянальны склад палякі (к. 85%), беларусы (14,11%)[2]
Плошча 409,19 км²
TERYT 2002073
Месцазнаходжаньне Гміны Міхалова
Мапа Гміны Міхалова
Гміна Міхалова, мапа
Мэдыя-зьвесткі
Часавы пас +1
Летні час +2
Тэлефонны код 85
Паштовыя індэксы 16-050
Код аўтам. нумароў BIA
Афіцыйны сайт
   Дадатковыя мультымэдыйныя матэрыялы

Гміна Міхалова (па-польску: Gmina Michałowo) — сельска-гарадзкая гміна ў Беластоцкім павеце Падляскага ваяводзтва Польшчы. Адміністрацыйны цэнтар — горад Міхалова.

З поўначы гміна Міхалова мяжуе з гмінай Гарадок, з захаду з гмінай Заблудаў Беластоцкага павету, на поўдні з гмінамі Нараўка і Нараў Гайнаўскага павету, а на ўсходзе — зь Сьвіслацкім і Бераставіцкіім раёнамі Гарадзенскай вобласьці (Беларусь).

Гісторыя[рэдагаваць | рэдагаваць крыніцу]

Міхалоўская воласьць была створаная ў мяжах Беластоцкага павету ў 1868 г. для адной мясцовасьці Міхалова, калі тут пачалі сяліцца нямецкія асаднікі. Праз 50 гадоў да канца Першай сусьветнай вайны войтамі ў Міхалове былі выключна немцы. Вялікая гміна Міхалова была створаная ў 1918 годзе польскімі ўладамі ў рамках Беластоцкага павету Беластоцкага ваяводзтва. Даваенная гміна Міхалова ўключала вёскі: Баршчэва, Глыбокі Кут, Геранімова, Юльянка, Каменны Брод, Казімерова, Кабылянка, Какатова, Крыніца, Курылы, Ляўшы, Майдан, Міхалова, Міхалова-Нязбудка, Масьціскі, Новая Воля, Азяблы, Пенькі, Рахэнталь, Саколя і Верх-Тапаляны. Мясцовасьці з навакольля Ялоўкі прыналежалі ў даваенны час да гміны Ялоўка, а вёскі з паўднёва-заходняй часткі сёньняшняй гміны да гміны Тарнаполь Ваўкавыскага павету. Вёскі з паўночна-ўсходняй часткі сёньняшняй гміны прыналежалі да гміны Галынка Гарадзенскага павету. З 1939 году ў складзе Беластоцкай вобласьці БССР, а ў 1941—1944 гадах у Беластоцкай акрузе Трэцяга райху. У 1945 годзе абшар фінальна апынуўся ў межах Польшчы, з 1944 г. па 1954 г. і паноўна з 1973 г. існуе як гміна Міхалова. У 1976 годзе ў склад гміны Міхалова была ўключаная гміна Шымкі (існавала ў кароткі пэрыяд 1973—1976 гг.)[3]. З 2009 году, пасьля атрыманьня Міхаловам гарадзкіх праваў, гміна атрымала статус вяскова-гарадзкой.

Крыніцы[рэдагаваць | рэдагаваць крыніцу]

  1. ^ Główny Urząd Statystyczny. Bank Danych Lokalnych. (пол.) Праверана 14 чэрвеня 2015 г.
  2. ^ Mniejszości według województw, powiatów i gmin w 2002 roku. (пол.). Główny Urząd Statystyczny. Праверана 14 чэрвеня 2015 г.
  3. ^ Leszek Nos Monografia Gminy Michałowo (пол.). Towarzystwo Przyjaciół Ziemi Michałowskiej. — Białystok 1996. Праверана 15 чэрвеня 2015 г.

Вонкавыя спасылкі[рэдагаваць | рэдагаваць крыніцу]

Міхалова (гміна)сховішча мультымэдыйных матэрыялаў