Васількаў

Васількаў
Wasilków
Герб Васількава
Першыя згадкі:	1566
Гміна:	Васількаў
Павет:	Беластоцкі
Ваяводзтва:	Падляскае
Мэр:	Антоне Пялкоўскі
Плошча:	28,15 км²
Насельніцтва (2005) • колькасьць: • шчыльнасьць:	8751 310,9
Часавы пас: • летні час:	UTC+1 UTC+2
Тэлефонны код:	+(48) 85
Паштовы індэкс:	16-010
Аўтамабільны код:	BIA
Геаграфічныя каардынаты:	53°12′18″ пн. ш. 23°12′16″ у. д.
Васількаў на мапе Польшчы Васількаў
Галерэя здымкаў у Wikimedia Commons
www.wasilkow.pl

Васількаў (па-польску: Wasilków) — горад у Польшчы, уваходзіць у склад Падляскага ваяводзтва, Беластоцкі павет, сядзіба вяскова-гарадзкой гміны Васількаў. Знаходзіцца на захадзе этнаграфічнай тэрыторыі беларусаў. Разьмешчаны ў цэнтральна-ўсходняй частцы Падляскага ваяводзтва, у даліне ракі Супрасьль. Знаходзіцца за 9 км на поўначы ад Беластоку, адлегласьць да Чорнай Беластоцкай — 14 км, да Саколкі — 32 км. Чыгуначная станцыя на лініі №6 Зялёнка — Кузьніца, на аўтадарозе №19 Кузьніца — Беласток — Жэшаў.

Геральдыка

Упершыню Васількаў атрымаў уласны герб, паводле магдэбурскага права, у сярэдзіне XVI ст. дзякуючы загаду вялікага князя літоўскага Жыгімонта II Аўгуста. Выява зьмяшчала на чырвоным полі галаву лася з залатымі рагамі. Атрыманы 8 сьнежня 1566 году.

Этымалёгія назвы

Паводле легенды места было названае ў гонар галіцкага князя Васількі Раманавіча, які на месцы першых селішчаў у пушчы пабудаваў умацаваны дзядзінец.

Выява места

Гісторыя

• XIII ст. — ў другой палове трынаццатага стагодзьдзя на тэрыторыі места, галіцкі князь Васілька Раманавіч пабудаваў дзядзінец.
• 8 сьнежня 1566 — першыя згадкі, па загадзе вялікага князя літоўскага Жыгімонта II Аўгуста, Васількаў атрымаў магдэбурскае права.
• 1567 — пабудаваны першы драўляны касьцёл.
• 1669 — першая згадка пра ўніяцкую царкву Васількава.
• 1612 — праз Васількаў па дарозе ў Вялікае Княства Літоўскае праязджала каралева Канстанцыя, жонка Жыгімонта III Вазы.
• 1795 — па выніках трэцяга падзелу Рэчы Паспалітай Васількаў далучаны да беластоцкага дэпартаменту Прусіі.
• 1807 — паводле Тыльзіцкай мірнай дамовы паміж Расеяй і Францыяй, Васількаў апынуўся ў Беластоцкай вобласьці Расеі.
• 1839 — цар Расеі Мікалай I выдаў указ, які знішчаў уніяцкую царкву, уніяцкая ўласнасьць была перададзеная праваслаўнай царкве.
• 1842 — горад ўвайшоў ў склад Гарадзенскай губэрні.
• 1864 — удзел месьцічаў Васількава ў беларуска-польскім паўстаньні Кастуся Каліноўскага 1863—1864 гадоў супраць расейскага панаваньня.
• 5 траўня 1895 — пажар зьнішчыў палову горада.
• 1918 — у складзе Беластоцкага ваяводзтва Польскай Рэспублікі.
• 15 верасьня 1939 — Нямеччына акупавала Беласточчыну. Але праз тыдзень немцы перадалі горад Савецкаму Зьвязу, паводле «пакта Молатава-Рыбэнтропа», і ён стаў часткай Савецкай Беларусі.
• 27 чэрвеня 1941 — зноў захоплены Нямеччынай, у складзе Беластоцкай акругі.
• 20 верасьня 1944 — Васількаў быў перададзены Польшчы, якая, у рамках абмену насельніцтвам з СССР, пачала праводзіць палітыку гвалтоўнага высяленьня беларусаў і ўкраінцаў.

Насельніцтва

Васількаў вул. Дворная

Урад Васількава

Па дадзадзеным ад 31 сьнежня 2008, у горадзе налічвалася 9 440 чалавек.

• палова XVII ст. 500
• 1772 — 1,5 тыс. чал.
• 1846 — 1,9 тыс. чал.
• 1860 — 1,4 тыс. чал.
• 1877 — 1,5 тыс. чал.
• 1880 — 3,9 тыс. чал.
• 1891 — 3,3 тыс. чал.
• 1897 — 3,9 тыс. чал.
• 1899 — 4,8 тыс. чал.
• 1910 — 5,3 тыс. чал.
• 1921 — 3,9 тыс. чал.
• 1931 — 4,8 тыс. чал.
• 1937 — 5,1 тыс. чал.
• 1939 — 5,5 тыс. чал.
• 1946 — 3,9 тыс. чал.
• 1956 — 3,6 тыс. чал.
• 2004 — 8,8 тыс. чал.

Архітэктура

Праваслаўная царква ў Васількаве

• Санктуарый Маці Божай Балеснай.
• Касьцёл Перамяненьня Пана (1880—1883).
• Царква Сьвятых апосталаў Пятра й Паўла (1853).
• Старыя каталіцкія могілкі, канец XIX ст.
• Габрэйскія могілкі, другая палова XIX ст.

Глядзіце таксама

• Падляскае ваяводзтва
• Ліцьвіны
• Яцьвягі
• Мазуры
• Вялікае Княства Літоўскае

Вонкавыя спасылкі

 Васількаў — сховішча мультымэдыйных матэрыялаў

• г. Васількаў на Radzima.org