Хорашч

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Хорашч
Choroszcz
Хорашч
POL Choroszcz COA.svg POL Choroszcz flag.svg
Герб Хорашчу Сьцяг Хорашчу
Горад з: 1507
Павет: Беластоцкі
Ваяводзтва: Падляскае
Мэр: Робэрт Вардзінскі
Плошча: 16,79 км²
Насельніцтва (2004)
• колькасьць:
• шчыльнасьць:

5 411
806,2
Часавы пас:
• летні час:
UTC+1
UTC+2
Тэлефонны код: +(48) 85
Паштовы індэкс: 16-070
Аўтамабільны код: BIA
Геаграфічныя каардынаты: 53°08′35″ пн. ш. 22°59′08″ у. д. / 53.14306° пн. ш. 22.98556° у. д. / 53.14306; 22.98556Каардынаты: 53°08′35″ пн. ш. 22°59′08″ у. д. / 53.14306° пн. ш. 22.98556° у. д. / 53.14306; 22.98556
Хорашч на мапе Польшчы
Хорашч
Хорашч
Хорашч
Commons-logo.svg Галерэя здымкаў у Wikimedia Commons
http://choroszcz.pl/

Хорашч (па-польску: Choroszcz) — горад у Польшчы, уваходзіць у склад Падляскага ваяводзтва, Беластоцкі павет, адміністрацыйны цэнтар вяскова-гарадзкой гміны Хорашч.

Знаходзіцца на мяжы Нарвенскага нацыянальнага парку.

Гісторыя[рэдагаваць | рэдагаваць крыніцу]

  • канец 15 ст. — Хорашч апыняецца ва ўладаньнях Хадкевічаў, у складзе Бельскага павету Падляскага ваяводзтва.
  • 1506 г. — Аляксандар Хадкевіч перадае Хорашч Супрасьлеўскаму Дабравешчанскаму манастыру, манахі будуюць першую праваслаўную царкву.
  • 1507 г. — Жыгімонт Стары надае Хорашчы магдэбурскае права
  • 1533 г. — места вяртаецца ва ўладаньне Хадкевічаў.
  • 1569 г. — згодна з рашэньнем большае часткі паслоў Падляскага ваяводзтва пераходзіць у склад Польшчы.
  • 1587 г. — праз шлюб Ганны Хадкевіч з Паўлам Пацам пераходзіць ва ўладаньне Пацаў.
  • 1654 г. — Мікалай Стафан Пац фундуе ў мястэчку кляштар ордэну дамініканаў.
  • 1683 г. — вялікі пажар зьнішчае Хорашч (згарэла 600 дамоў, касьцёл, кляштар і царква).
  • 1703 г. — Хорашч пераходзіць ува ўладаньні Браніцкіх.
  • 1709 г. — Мястэчка абымае ва ўладаньне Ян Клемэнс Браніцкі, пачынаецца пэрыяд разьвіцьця Хорашчы — будуецца тут палац, касьцёл, уніяцкая царква ды шпіталь.
  • 1795 г. — Хорашч пасьля Трэцяга падзелу Рэчы Паспалітай апыняецца ў мяжах Прусіі.
  • 1807 г. — пасьля падпісаньня Тылзіцкага міру мястэчка пераходзіць у склад Расейскае імпэрыіі.
  • 1839 г. — расейскія ўлады зачыняюць кляштар дамініканаў.
  • 1840 г. — сямья Мастоўскіх засноўвае ў Хорашчы мануфактуру, якая напрацягу 19 ст. становіцца вялікай суконнай хвабрыкай.
  • 1888 г. — у мястэчку пражывае 1512 жыхараў (к. 750 габрэяў, к. 300 каталікоў, к. 200 пратэстантаў і к. 200 праваслаўных).
  • 1918 г. — у мяжах Польшчы.
  • 1930 г. — доктар Зыгмунт Брадовіч засноўвае псіхіятрычны шпіталь (дзейнічае па сёньняшні дзень).
  • 1939 г. — Хорашч уключаная ў склад БССР (Беластоцкі раён).
  • 1941 — 1944 гг. — акупацыя Нямеччынай (нацысты зьнішчылі ўпоўнасьці габрэйскаю частку населніцтва, забівалі таксама пацыентаў псіхіятрычнага шпіталю, побач з мястэчкам у вёсцы Навасёлкі расстраляна к. 4000 людзей).
  • 1945 г — Хорашч перададзеная савецкімі ўладамі ПНР.


Вонкавыя спасылкі[рэдагаваць | рэдагаваць крыніцу]

Commons-logo.svg  Хорашчсховішча мультымэдыйных матэрыялаў