Дзямідавічы (Койданаўскі раён)

Дзямідавічы
Вобласьць:	Менская
Раён:	Койданаўскі
Сельсавет:	Дзямідавіцкі
Насельніцтва:	55 (2004)
Колькасьць двароў:	34
Тэлефонны код:	+375 1716
Паштовы індэкс:	222744

Дзямі́давічы — вёска ў Койданаўскім раёне Менскай вобласьці, цэнтар Дзямідавіцкага сельсавету.

Знаходзіцца за 19 км ад Койданава, за 45 км ад Менска, за 21 км ад чыгуначнай станцыі «Койданава».

Гісторыя

Вёска вядомая з 16 стагодзьдзя. У 1588 годзе вёска знаходзілася ў Койданаўскай воласьці, уключала ў сябе 19 валок зямлі. Вёска належала магнатам Радзівілам.

У 1876 годзе арандавала вёску Л. І. Вагнер. У 1880 годзе вёска Дзямідавічы і фальварак Дзямідавічы належылі Вагнерам, якія мелі 372 маргі зямлі.

На пачатку 20 стагодзьдзя вёска Дзямідавічы знаходзілася ў Койданаўскай воласьці Менскага павету. Вёска ўключала ў сябе 45 двароў і мела 277 жыхароў.

23 сакавіка 1932 году створаны сельсавет у складзе Койданаўскага нацыянальнага польскага раёну. З 26 чэрвеня 1932 году вёска знаходзіцца ў Койданаўскім, з 31 ліпеня 1937 году — у Заслаўскім, а з 4 лютага 1939 году зноў у Койданаўскім раёнах.

22 верасьня 1935 году ў вёсцы Дзямідавічы мясцоваму калгасу «Чырвоная Беларусь» быў уручаны адзін зь першых актаў на вечнае карыстаньне зямлёй.

У 1991 годзе вёска налічвала 49 двароў і 94 жыхароў.

Насельніцтва

Па стане на 1 студзеня 2004 году вёска складалася з 34 двароў і 55 жыхароў.

Помнікі

У вёсцы ўсталяваны помнік на брацкай магіле 33 абаронцаў Беларусі, што загінулі ў Вялікую Айчынную вайну.

Літаратура

• Памяць: Гісторыка-дакумэнтальная хроніка Дзяржынскага раёна. Менск, 2004.