Карляс Тэвэс

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Карляс Тэвэс
Карляс Тэвэс
Пэрсанальная інфармацыя
Нарадзіўся 5 лютага 1984 (30 гадоў)
Буэнас-Айрэс, Аргентына
Рост 173 см
Вага 79 кг
Пазыцыя нападнік
Клюбная інфармацыя
Клюб Ювэнтус
Нумар 10
Клюбы
Гады Клюб Гульні (галы)¹
2001—2005
2005—2006
2006—2007
2007—2009
2009—2013
2013—
Бока Хуніёрс
Карынтыянс
Ўэст Гэм Юнайтэд
Манчэстэр Юнайтэд
Манчэстэр Сіці
Ювэнтус
75 (26)
58 (38)
26 (7)
63 (19)
113 (58)
0 (0)
Нацыянальная зборная
2004— Аргентына 62 (13)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
11 траўня 2013.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
28 кастрычніка 2012.

Карляс Альбэрта Тэвэс (па-гішпанску: Carlos Alberto Tévez; нарадзіўся 5 лютага 1984 году, Буэнас-Айрэс, Аргентына) — аргентынскі футбаліст, які выступае за італьянскі клюб «Ювэнтус» на пазыцыі нападніка. Гулец нацыянальнай зборнай Аргентыны.

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Тэвэс пачаў сваю прафэсійную кар’еру ў клюбе «Бока Хуніёрс» ва ўзросьце шаснаццаці гадоў. У першы раз ён выйшаў на поле 21 кастрычніка 2001 году ў матчы супраць «Тальлерэс». У складзе аргентынскага клюбу Тэвес дасягнуў прыкметнага посьпеху, некалькі разоў стаўшы чэмпіёнам краіны й некалькі міжнародных кубкаў.

У сьнежні 2004 году Тэвэс перайшоў у табар бразыльскага клюбу «Карынтыянс» за 20 млн даляраў. Гэтая зьдзелка стала самым гучным трансфэрам за ўсю гісторыю амэрыканскага футбола. Першапачаткова Тэвэс ня быў добра сустрэты заўзятарамі «Карынтыянса» — уключаючы прэзыдэнта Бразыліі Лулу да Сылву. Аднак неўзабаве ён стаў капітанам і зоркай каманды, якая пад ягоным кіраўніцтвам выйграла ў 2005 годзе чэмпіянат Бразыліі.

23 жніўня 2006 году выданьне «Sky Sports» абвесьціла, што Тэвэс вырашыў скончыць свой ​​выступ за «Карынтыянс»[1]. У артыкуле сьцьвярджалася, што ён, верагодна, адправіцца ў Эўропу, у «Чэлсі» альбо «Манчэстэр Юнайтэд». Але 31 жніўня, у дзень закрыцьця эўрапейскага трансфэрнага вакна, Тэвэс паведаміў на сваім ўэб-сайце, што ён і Хавіер Маскерана пераходзяць ва «Ўэст Гэм Юнайтэд» за 12 млн фунтаў стэрлінгаў[2]. Гэтая зьдзелка шакавала футбольны сьвет і спарадзіла мноства чутак ў прэсе адносна сапраўднай прыроды й умоваў трансфэру[3].

Пераход Тэвэса ў «Манчэстэр Юнайтэд» быў спалучаны зь вялікімі цяжкасьцямі, паколькі першапачаткова кіраўніцтва «Ўэст Гэму» не жадала вызваляць аргентынца ад клюбнай рэгістрацыі. Аднак, разарваўшы кантракт з «малатабойцамі» Тэвэс узгадніў умовы сваёй двухгадовай арэнды з «Манчэстар Юнайтэд» падпісаўшы новы кантракт 10 жніўня 2007 году[4]. Ужо празь пяць дзён, 15 жніўня 2007 году аргентынец дэбютаваў за «Юнайтэд» выйшаўшы на замену ў матчы супраць «Портсмуту». У гэтай гульні ён адзначыўся галявой перадачай на Пола Скоўлза, што дазволіла зрабіць выніковы лік матчу 1:1. Свой першы гол за «Юнайтэд» Тэвэс забіў 23 верасьня 2007 году ў пераможным хатнім паядынку супраць «Чэлсі».

30 чэрвеня 2009 году тэрмін дзеяньня арэнднай дамовы паміж «Media Sports Investments» (MSI) і «Манчэстэр Юнайтэд» скончыўся, і Тэвэс пакінуў клюб на правах вольнага агента. Праз два тыдні, 14 ліпеня, ён перайшоў у «Манчэстэр Сіці» падпісаўшы з клюбам пяцігадовы кантракт. На працягу свайго першага сэзону ў «Сіці» Тэвэс быў тройчы прызнаны гульцом месяца ў клюбе, а таксама ўганараваны прэстыжнай узнагародай гульца месяца ангельскай Прэм’ер-лігі.

26 чэрвеня 2013 году афіцыйны сайт «Ювэнтуса» паведаміў аб падпісаньні трохгадовага кантракту з Тэвэсам. У новым клюбе аргенцінец атрымаў 10 нумар, пад якім да яго гуляў легендарны футбаліст клюбу Алясандра Дэль П’ера. Паводле паведамленьняў СМІ сума трансфэра склала 12 млн эўра.

Міжнародная[рэдагаваць | рэдагаваць крыніцу]

Дэбют Тэвэса за зборную Аргентыны адбыўся 30 сакавіка 2004 году ў матчы адборачнага тура чэмпіянату сьвету 2006 году супраць зборнай Эквадору. Зборная Аргентыны шчасна прайшла кваліфікацыю й атрымала пуцёўку ў фінальную стадыю турніру.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Карляс Тэвэссховішча мультымэдыйных матэрыялаў


Шаблён:Аргентына на КА-2004