Філіп Лям

Філіп Лям
Пэрсанальная інфармацыя
Нарадзіўся	11 лістапада 1983 Мюнхэн, ФРН
Рост	170 см
Вага	65 кг
Пазыцыя	абаронца
Клюбная інфармацыя
Клюб	Баварыя Мюнхэн
Нумар	21
Моладзевыя клюбы
?—1995 1995—2003	Гэрн Баварыя
Клюбы
Гады	Клюб	Гульні (галы)¹
2001—2003 2003—2005 2003—	Баварыя-2 Штутгарт Баварыя	63 (3) 53 (2) 203 (7)
Нацыянальная зборная
2004—	Нямеччына	91 (5)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 5 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 28 чэрвеня 2011.

Філіп Лям (па-нямецку: Philipp Lahm; нарадзіўся 11 лістапада 1983 году, Мюнхэн, ФРН) — нямецкі футбаліст, які выступае за клюб «Баварыя» й нацыянальную зборную Нямеччыны на пазыцыі ўскрайняга абаронцы й зьяўляецца капітанамі гэтых камандаў.

Клюбная кар’ера

«Баварыя»

У 17 гадоў, у 2001 годзе Лям стаў гульцом другой каманды «Баварыі». Тагачасны ейны трэнэр, Гэрман Герлянд да гэтага часу лічыць, што Лям ёсьць самы таленавіты гулец, якога ён калі-небудзь трэніраваў. Філіп дэбютаваў за «Баварыю-2» 25 жніўня 2001 году ў пятым туры Рэгіянальнай лігі (Поўдзень) у матчы супраць «Вакера» з Бургаўзэна. Матч скончыўся зь лікам 2:1 на карысьць мюнхэнцаў, на 24-й хвіліне вызначылася жывая легенда Мюнхэна — Ганс Пфлюглер, чэмпіён свету 1990 году, які вярнуўся ў футбол на адзін сэзон, а на 85-й вызначыўся будучы вядомы гулец Бундэсьлігі — Зьвездан Місімавіч. Сам жа Філіп правёў на полі ўвесь матч. Цікава, што ў заяўцы на чэмпіянат Лям значыўся паўабаронцам, а сэзон ужо завяршаў на месцы абаронцы. Усяго ў тым сэзоне ён правёў 27 матчаў і забіў два мячы: першы 1 сьнежня «Дармштату», а другі 7 красавіка 2002 году «Барусіі» з Фульды. У другім сэзоне Лям ужо быў капітанам, ён згуляў 34 матчы й забіў адзін гол у браму «Барусіі» з Нойкірхэна, а каманда завяршыла чэмпіянат на высокім 4-м месцы.

Філіп хутка трапіў на нататку да Отмара Гітцфэльда, які трэніраваў асноўную каманду мюнхэнцаў. Отмар бачыў у гульцу якасьці, неабходныя для гульца асновы й Лям быў першы з маладых гульцоў, які рыхтаваўся да галоўнай каманды. 13 лістапада 2002 году Лям упершыню зьявіўся на полі ў футболцы «Баварыі». Для ягонага дэбюту быў абраны матч супраць францускага «Лянса» у Лізе Чэмпіёнаў, дзе перад камандаў ужо не было ніякіх задачаў. Філіп зьявіўся на полі ў канцы матчу, на 90-й хвіліне, замяніўшы Маркуса Фойльнэра.

Падчас гульні за «Баварыю-2» Лям стаў тыповым флянгавым абаронцам, якія стала ўцякаў у атаку. Аднак, з-за таго, што ў тыя часы правы флянг абароны ў «Баварыі» быў акупаваны Вілі Саньёлем, а левы займаў Біксан Лізаразю, Філіпу прыйшлося пакінуць клюб і перайсці ў «Штутгарт», бо шанцаў зайграць у аснове «Баварыі» у яго не было.

«Штутгарт»

Улетку 2003 году Лям быў арандаваны «Штутгартам» на 2 гады. Спачатку на яго разлічвалі як на зьменшчыка правага абаронцы Андрэаса Гінкеля, але Фэлікс Магат, які трэніраваў тады «Штутгарт», вырашыў паспрабаваць Ляма на іншых пазыцыях, каб не загубіць ягоны талент. У выніку, неўзабаве Філіп выцесьніў з асноўнага складу швабаў левага абаронцу Гайка Гэрбэра. Дэбют у «Штутгарце» адбыўся 3 жніўня 2003 году ў першым туры Бундэсьлігі. Тады каманда гуляла у Растоку супраць мясцовай «Ганзы». Філіп выйшаў на поле на 76-й хвіліне, замяніўшы пры гэтым паўабаронцу Сыльвіё Майснэра. У тым сэзоне ў Бундэсьлізе Філіп згуляў 31 гульню і забіў 1 мяч, а ў Лізе чэмпіёнаў правёў 7 паядынкаў, узнагарода ў тым сэзоне было месца другога лепшага гульца чэмпіянату Нямеччыны пасьля Аілтана.

Другі сэзон у «Штутгарце» выдаўся цяжкім для Ляма. Пасьля чэмпіянату Эўропы 2004 года, у якім ён прымаў удзел, яму не хапіла часу для аднаўленьня. Да таго ж у чырвоных зьмяніўся трэнэр: новым настаўнікам стаў Матыяс Замэр, які не вельмі дараваў Філіпа й у якога ён не трапляў пад тактыку й пабудову каманды. Усё ж Лям пасьпеў да каляднага перапынку згуляць 16 матчаў, зь якіх у чатырнаццаці ён выходзіў у аснове. Скончыць сэзон Філіпу перашкодзіў пералом правай нагі, атрыманы ў студзені 2005 году. Такім чынам, Лям вярнуўся на поле толькі 9 красавіка 2005 году ў матчы супраць «Шальке-04», які завяршыўся перамогай швабаў зь лікам 3:0. Але праз усяго пяць тыдняў, 17 траўня Лям парваў крыжападобныя зьвязкі.

Вяртаньне ў «Баварыю»

У ліпені 2005 году Філіп вярнуўся ў «Баварыю», але гуляць адразу не мог, бо не пасьпеў аднавіцца пасьля цяжкай траўмы. Пахадзіўшы каля двух месяцаў па лекарах, Лям паціху стаў вяртацца ў гульнявы рытм, ён наведваў трэніроўкі, працуючы над аднаўленьнем свайго арганізма, гуляў за другую каманду «Баварыі». Першы матч у Бундэсьлізе згуляў 19 лістапада 2005 году супраць «Армініі» зь Білефэльду. Паядынак скончыўся перамогай мюнхэнцаў зь лікам 2:1, Філіп на 64-й хвіліне замяніў Біксана Лізаразю. Па заканчэньні сэзону Біксан завяршыў сваю прафэсійную футбольную кар’еру й месца пад будучага героя Мюнхэна было вызвалена.

На дадзены момант Філіп Лям зьяўляецца самым дарагім абаронцам «Баварыі» й усёй Бундэсьлігі. Трансфэрны кошт гульца на кастрычнік 2010 году складаў каля 28 млн эўра.

Кар’ера ў зборнай

У асноўнай зборнай Нямеччыны з 2004 году.

Дасягненьні

Клюбныя

Баварыя:

• Чэмпіён Нямеччыны (3): 2006, 2008, 2010
• Уладальнік Кубка Нямеччыны (3): 2006, 2008, 2010
• Уладальнік Кубка лігі Нямеччыны: 2007
• Уладальнік Супэркубка Нямеччыны: 2010

Міжнародныя

Нямеччына:

• Срэбраны прызэр чэмпіянату Эўропы: 2008
• Бронзавы прызэр чэмпіянату сьвету (2): 2006, 2010

Вонкавыя спасылкі

 Філіп Лям — сховішча мультымэдыйных матэрыялаў

• Афіцыйны сайт
• Профіль на афіцыйным сайце «Баварыі Мюнхэн»