Томас Мюлер

Томас Мюлер
Пэрсанальная інфармацыя
Нарадзіўся	13 верасьня 1989 Вайльгайм, ФРН
Рост	186 см
Вага	74 кг
Пазыцыя	нападнік
Клюбная інфармацыя
Клюб	Баварыя Мюнхэн
Нумар	25
Моладзевыя клюбы
—2000 2000—2007	Пэль Баварыя Мюнхэн
Клюбы
Гады	Клюб	Гульні (галы)¹
2008—	Баварыя Мюнхэн	116 (39)
Нацыянальная зборная
2010—	Нямеччына	32 (10)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 5 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 28 чэрвеня 2012.

Томас Мюлер (па-нямецку: Thomas Müller; нарадзіўся 13 верасьня 1989 году, Вайльгайм, ФРН) — нямецкі футбаліст, які выступае за клюб «Баварыя» й нацыянальную зборную Нямеччыны на пазыцыі нападніка. Мюлер можа гуляць на розных пазыцыях, як то атакуючага паўабаронцы, другога форварда. Томас зьяўляецца бронзавым прызэрам чэмпіянату сьвету 2010 года. Уладальнік «Залатой бутсы» чэмпіянату сьвету 2010 года (5 мячоў + 3 перадачы) і лепшым маладым гульцом чэмпіянату.

Клубная кар’ера

«Баварыя» Мюнхэн

У Бундэсьлізе дэбютаваў 15 жніўня 2008 году ў матчы супраць «Гамбурга». 12 верасьня 2009 году Томас аформіў свой ​​першы дубль ў Бундэсьлізе ў матчы з «Барусіяй» Дортмунд, а праз тры дні паўтарыў свой ​​вынік ужо ў Лізе чэмпіёнаў, забіўшы мячы ў браму «Макабі» з Хайфы (3:0). Па выніках сэзона ён, нароўні з Тоні Кроосам, Марка Марынам і Штэфанам Кісьлінгам стаў адкрыцьцём чэмпіянату, забіўшы 13 мячоў і выдаўшы 10 галявых перадач. У агульнай складанасьці ў сэзоне 2009—2010 гадоў Томас забіў 19 галоў.

Трансфэрны кошт гульца на 28 верасьня 2011 году складае 33 млн эўра.

Кар’ера ў зборнай

3 сакавіка 2010 году дэбютаваў у нацыянальнай зборнай Нямеччыны ў таварыскім матчы са зборнай Аргентыны на мюнхэнскай Альянц Арэне. Мюлер выйшаў у стартавым складзе й быў заменены на 66-й хвіліне на іншага дэбютанта Тоні Крооса, а немцы саступілі 0:1.

Дасягненьні

Баварыя:

• Чэмпіён Нямеччыны: 2010
• Уладальнік Кубка Нямеччыны: 2010
• Уладальнік Супэркубка Нямеччыны: 2010
• Фіналіст Ліга чэмпіёнаў: 2010

Асабістае жыцьцё

У лістападзе 2009 году Томас ажаніўся на сяброўцы Лізе, зь якой сустракаўся 2 гады.

Вонкавыя спасылкі

 Томас Мюлер — сховішча мультымэдыйных матэрыялаў

• Афіцыйны сайт
• Профіль на афіцыйным сайце «Баварыі Мюнхэн»
• Статыстыка на сайце fussballdaten.de