Міраслаў Клёзэ

Міраслаў Клёзэ
Пэрсанальная інфармацыя
Нарадзіўся	9 чэрвеня 1978 (34 гады) Аполе, Польшча
Рост	183 см
Вага	82 кг
Пазыцыя	нападнік
Клюбная інфармацыя
Клюб	Ляцыё
Нумар	25
Клюбы
Гады	Клюб	Гульні (галы)¹
1998—1999 1999—2001 2000—2004 2004—2007 2007—2011 2011—	Гомбург Кайзэрсьляўтэрн-2 Кайзэрсьляўтэрн Вэрдэр Баварыя Ляцыё	18 (1) 50 (26) 120 (44) 89 (53) 98 (24) 27 (12)
Нацыянальная зборная
2001—	Нямеччына	120 (64)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 21 сакавіка 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 22 чэрвеня 2012.

Міраслаў Ёзэф Клёзэ (па-нямецку: Miroslav Josef Klose; 9 чэрвеня 1978, Аполе, Польшча) — нямецкі футбаліст польскага паходжаньня, нападнік італьянскага клюба «Ляцыё» й нацыянальнай зборнай Нямеччыны. Дзеліць другое месца сярод лепшых бамбардзіраў у гісторыі чэмпіянатаў сьвету разам зь Гердам Мюлерам (па 14 мячоў), адстаючы ад Раналда толькі на адзін мяч. Зьяўляецца другім у сьпісе лепшых бамбардзіраў ў гісторыі зборнай Нямеччыне пасьля Герда Мюлера.

Кар’ера

Раньнія гады

Кар’еру пачаў у клюбе пятага дывізіёна «Гомбургу» й у свой першы сэзон забіў адзінаццаць гадоў, чым зацікавіў скаўтаў «Кайзэрсьляўтэрна». Спачатку Клёзэ гуляў у другой камандзе клюба, але потым галоўны трэнэр клюба Ота Рэхагель заўважыў маладога нападніка й неўзабаве стаў прыцягваць яго да гульняў асноўнага складу. 15 красавіка 2000 года Міраслаў дэбютаваш у складзе клюба, выйшаўшы на поле на 75 хвіліне хатняга матчу супраць «Айнтрахта», які скончыўся перамогай зь лікам 1:0.

«Вэрдэр»

2 сакавіка 2004 года Міраслаў падпісаў чатырохгадовы кантракт з чэмпіёнам Нямеччыны клюбам «Вэрдэр», які праяўляў цікавасьць да гульца на працягу ўсяго сэзону з-за неабходнасьці знайсьці замену сыхоўшага ў «Шальке-04» Аілтану. Кошт трансфэра склаў 5 млн эўра, заробак гульца — 2,5 млн эўра ў год. Дэбют Міраслава ў новым клюбе адбыўся 6 жніўня ў матчы супраць «Шальке-04», які скончыўся перамогай зь лікам 1:0.

«Баварыя»

26 чэрвеня 2007 года прэзыдэнт мюнхэнскай «Баварыі» Карл-Гайнц Румэніге абвесьціў аб дасягненьні дамоўленасьці з «Вэрдэрам» па пераходзе Клёзэ. Міраслаў падпісаў з клюбам чатырохгадовы кантракт, абыйдучыся «Баварыі» ў 15 мільёнаў эўра. У барацьбе за нападніка мюнхэнскі клюб апярэдзіў такіх эўрапейскіх грандаў, як гішпанская «Барсэлёна» й італьянскі «Ювэнтус».

«Ляцыё»

Улетку 2011 года ў Клёзэ скончыўся кантракт з «Баварыяй». Нападнік і клюб ня здолелі дамовіцца па ўмовах новага кантракта, і ў чэрвені 2011 года гулец пакінуў клюб. Міраслаў падпісаў двухгадовы кантракт з рымскім клюбам «Ляцыё».

Міжнародная кар’ера

З узлётам кар’еры гулец прыцягнуў увагу прадстаўнікоў адразу двух нацыянальных зборных. У пачатку 2001 году Клёзэ атрымаў запрашэньне выступаць за нацыянальную зборную Польшчы: ейны галоўны трэнэр Ежы Энгель прыехаў у Нямеччыну адмыслова для таго, каб угаварыць маладога нападніка абараняць колеры ягонай каманды. Аднак Клёзэ наадрэз адмовіўся, заявіўшы аб намеры чакаць выкліку ад Рудзі Фэлера. Запрашэньне ў склад нямецкай зборнай не прымусіла сябе чакаць: дэбют Клёзэ ў ейным складзе адбыўся ўжо 24 траўня 2001 года ў Левэркузэне ў матчы адборачнага турніру чэмпіянату сьвету супраць зборнай Альбаніі. Выйшаўшы на замену, форвард прынёс сваёй камандзе перамогу, забіўшы галавой за дзьве хвіліны да канца гульні (2:1).

Дасягненьні

Клюбныя

Вэрдэр

• Уладальнік Кубка Нямецкай лігі: 2006

Баварыя

• Чэмпіён Нямеччыны (2): 2008, 2010
• Уладальнік Кубка Нямеччыны (2): 2008, 2010
• Уладальнік Кубка Нямецкай лігі: 2007
• Уладальнік Супэркубка Нямеччыны: 2010

Міжнародныя

Нямеччына

• Срэбраны прызэр чэмпіянату сьвету: 2002
• Бронзавы прызэр чэмпіянату сьвету (2): 2006, 2010
• Срэбраны прызэр чэмпіянату Эўропы: 2008

Вонкавыя спасылкі

 Міраслаў Клёзэ — сховішча мультымэдыйных матэрыялаў

• Афіцыйны сайт
• Прафайл на афіцыйным сайце «Ляцыё»
• Прафайл на сайце transfermarkt.de
• Прафайл на сайце kicker.de