Бастыян Швайнштайгер

Бастыян Швайнштайгер
Пэрсанальная інфармацыя
Нарадзіўся	1 жніўня 1984 Кальбэрмоор, ФРН
Рост	183 см
Вага	79 кг
Пазыцыя	паўабаронца
Клюбная інфармацыя
Клюб	Баварыя Мюнхэн
Нумар	31
Клюбы
Гады	Клюб	Гульні (галы)¹
2002—2004 2004—	Баварыя-2 Баварыя	34 (2) 296 (35)
Нацыянальная зборная
2004—	Нямеччына	97 (23)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 5 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 28 чэрвеня 2012.

Бастыян Швайнштайгер (па-нямецку: Bastian Schweinsteiger; нарадзіўся 13 сакавіка 1989 году, Кальбэрмоор, ФРН) — нямецкі футбаліст, які выступае за клюб «Баварыя» й нацыянальную зборную Нямеччыны на пазыцыі паўабаронцы.

Клюбная кар’ера

Бастыян прабіўся ў склад першай каманды з шэрагаў баварскага дубля. У аснову футбаліст пачаў трапляць пачынаючы з сэзону 2002—2003 гадоў. З сэзону 2004—2005 гадоў ён стаў гульцом асноўнага складу, правяўшы ў сэзоне ў Бундэсьлізе 26 гульняў і адзначыўшыся 3 мячамі. Але потым трэнэр «Баварыі» Фэлікс Магат з-за дрэннай працы на трэніроўках спаслаў юнака ў «Баварыю-2». Аднак празь некалькі месяцаў галоўны трэнэр зноў вярнуў Бастыяна ў асноўны склад. Швайнштагер выступаў дастаткова добра й стабільна, мала забіваючы, але аддаючы выдатныя пасы. Асноўная пазыцыя Швайнштайгера ў гэтыя часы ёсьць флянг паўабароны.

З прыходам у клюб у якасьці трэнэра Люі ван Галя, Швайнштайгер перакваліфікаваўся з ўінгера ў нядрэннага цэнтральнага паўабаронцу й з сэзона 2009—2010 гадоў, стаўся адным з самых пасьпяховых у ягонай кар’еры. Ён і ягоны аднаклюбнік Марк ван Бомэль склалі моцны зьвязак цэнтархаваў, якія многія футбольныя спэцыялісты называлі мацнейшым у Нямеччыне. Сваёй хвацкай гульнёй, а таксама лідэрскімі якасьцямі, Бастыян забясьпечыў сабе ня толькі сталае месца ў аснове клюба, але й званьне другога віцэ-капітана, а пасьля сыходу Марка, і першага віцэ-капітана.

Улетку 2010 году ў трансфэры Швайнштайгера былі зацікаўленыя «Рэал Мадрыд», «Чэлсі» й «Ювэнтус». Аднак Швайнштайгер паведаміў, што падоўжыў кантракт з клюбам да 2016 году. Па стане на 12 студзеня 2011 году трансфэрны кошт гульца складае 40 мільёнаў эўра, пры тым, што «Чэлсі» быў гатовы купіць гульца за 60 мільёнаў.

Кар’ера ў зборнай

У асноўнай зборнай Нямеччыны з 2004 году. Першыя 2 галы за зборную забіў 8 чэрвеня 2005 году ў таварыскім матчы супраць зборнай Расеі.

Дасягненьні

Клюбныя

Баварыя:

• Чэмпіён Нямеччыны (5): 2003, 2005, 2006, 2008, 2010
• Уладальнік Кубка Нямеччыны (5): 2003, 2005, 2006, 2008, 2010
• Уладальнік Кубка лігі Нямеччыны (2): 2004, 2007
• Уладальнік Супэркубка Нямеччыны: 2010

Міжнародныя

Нямеччына:

• Бронзавы прызэр чэмпіянату сьвету (2): 2006, 2010

Вонкавыя спасылкі

 Бастыян Швайнштайгер — сховішча мультымэдыйных матэрыялаў

• Афіцыйны сайт
• Профіль на сайце «Баварыі Мюнхэн»